Sama ra sa naghikog?

Para nako usa ka matang sa pagpanaogdaog sa katawhan kon ipatuman sa administrasyon ni Presidente Rodrigo Duterte ang ikaduhang hugna sa buhis sa lana karong tuiga 2019.

Nagkagidlay na ang katawhan sa kamahal sa kataas sa presyo sa mga nanag-unang palaliton .

Sa unang hugna sa buhis sa lana misaka ang presyo sa mga baligya. Sa dihang mibarato ang presyo sa lana wala mokuyog pag-ubos ang presyo sa mga pagkaon.

Tungod niini, nangutana ang katawhan: asa ang hustisya niini alang sa mga kabus?

Grabi man sab og wa sila mauwaw ug kaluoy nga nagbakotot na ang mga pobre sa kabug-at sa gipas-an ug ila pa gayud nga dugangan aron mosamot ka bug-at.

Di nato kalimtan ang mga kongresista ug senador nga mibotar aning maong matang sa balaod nga matawag nato og kontra sa mga pobre (anti poor).

MOBALIK PAGKA MAYOR

Duna man diay kontra si Kongresista Samsam Gullas sa pagka mayor sa siyudad sa Talisay, alang sa midterm elections sa 2019.

Ang kanhi mayor sa siyudad sa Talisay nga si Johnny Delos Reyes ( JVR) sobling magpa pili.

Si JVR gikonsiderar nga usa sa mga lig-ong pulitiko bisan paman sa kakabus niini. Sa akong pagtuo nga meritiro na siya sa pulitika.

Nakahigayon ang Agila sa pakighinabi ni JVR. Iyang gisaysay ang awhag sa mga kabus nga Talisaynon sa pagbalik ug di moretiro sa pukitika.

Si JVR giisip sa pamilyang Gullas nga lig-on kay maoy nakapildi sa beteranong pulitiko nga si Mayor Eduardo Gullas.

MAKALIMOT NA

Di nato sawayon ug angayan natong kaluy-an ang kahimtang ni kanhi Senador Sonny Osmeña tungod sa kataas sa iyang pangidaron.

Atong respituhon ang mga tiguwang . Ug normal lang sa ilang edad nga dali ra nga makalimot ug angay nang mopahuway sa pulitika.

Di na angay maghago ug panahon na karon sa iyang paglingawlingaw. Ato bang isipon nga ang nagsulsol sa pagpadagan ni Osmeña way kaluoy ug usa ka matang sa pagbugalbugal ?

Ihatag na lang ngadto sa mga batan-on ug piskay ang panglawas. Wa na siya angayg iprobar kay wa nay ikabuga.

Ato nalang hinumduman ang mga maayong natampo sa mayor ug kanhi senador.

I said they learned the hard way and they must be professional to accept it and advise ko na lang sa kanila, that it would not deter them from performing their job, but a lesson learned na hindi na dapat maulit.”

- Talisay City police chief Supt. Marlu Conag sa pagrelibo sa 5 ka pulis nga nag-selfie atol sa anti drug operation