7 KA PAMAAGI NGA MASUGDAN NIMO IMONG GOAL SETTING
Dili na bag-o nga mataha ta sa proseso sa pag-set og goals. Usahay ma
overwhelm pa gani ta niini tungod kay huna-huna nato, di ta kahibawo unsaon ni pagsugod, o kon mamahimo ba kini, o kaha nahadlok ta mo-commit.
Kadaghanan, ang hunahuna niining pag-set og goals, himuon ra kini kausa sa tuig, susama sa New
Year’s resolution. Apan ang paghimutang sa gusto nimo makab-ot mao ang labing epektibo kon pursigido ka niini.
Ania ang 7 ka pamaagi nga makapahimutang ka sa imong goals diin sinuwat kini ni Alyssa Gregory alang sa sitepoint.com.
Step 1: Pag-brainstorm
Daghan siguro kag gusto makab-ot, gihuna-huna usab kana nimo karon o kaha wa ka kahibaw kanus-a magsugod. Sugdi kini sa pag-brainstorm diin makatabang kini nimo kon unsa gyud ang gusto nimo nga makab-ot. Paggahin og oras sa pag-brainstorm.
Step 2: Huna-hunaa kon unsa kini kadako o kagamay
Tanang goals dili kinahanglan nga dagko kini ug diha-diha dayon makapausab sa imong kinabuhi. Mas maayo nga anaa kay ginagmay ug dagko nga damgo diin managlahi ang panahon aron kini nimo makompleto. Kon long-term
goals mamahimo kini usa ka tuig, lima, o ka 10; goals, short-term
usa ka semana, usa ka buwan o karong tuiga; samtang ang mini-goals, karon. I-usa na ang tulo sa imong goal process.
Step 3: Gawas sa imong comfort zone
Hatagi imong kaugalingon og oportunidad nga makasinati og lahi na usab sa naandan. Wa siguro ka maanda apan masuta nimo sa imong kaugalingon kon kaya kini nimo, risgo, aron makahibaw ka kon asa ka kutob. Paghimo og goals nga mogawas ka sa imong comfort zone.
Step 4: Focus sa imong performance, dili sa outcome
Aron sigurado ka nga naa kay control sa imohang kaugalingon nga kalampusan, hilabi na sa imong goals, focus sa imong performance ug dili sa outcome. Susama niining kon gusto ka makadaog og award sa imohang gihimo nga libro. Dili ka kabuot sa desisyon sa panel. Imong goal mao nga makompleto nimo ang libro.
Step 5: Himoa kining exciting
Daghang goals ang wala matagad o nakalimtan nalang kay boring kini. Paghimo og goals nga ma-excite ka nga kompletohon kini. Kon dili kini makapaagni nimo, dili siguro ni para imoha.
Step 6: Isuwat kini
Mas maayo nga imoha kining isuwat. Kini aron naa kay kongreto nga goals sa life ug unsaon kini nimo pagkompleto o pagkab-ot ingon man makita nimo asa naka dapit.
Step 7: Paghimo og Goal Check-In Schedule
Nasuta na nimo kon unsa ang mga goals nga angay nimo. Karon paghimo og schedule niini ug kon asa naka dapit. Pwede usab nimo ilahi-lahi ang imong goals depende kon long-term, shortterm, o mini-goals.