Gidaghanon sa deboto sa Mactan bridge kontrolahon
Giklaro ni Senior Supt. Limuel Obon, director sa LapuLapu City Police Office, nga sukwahi sa unang plano, pasak-on gihapon ang mga deboto sa Mandaue-Mactan Bridge habig na sa dakbayan sa Lapu-Lapu sa umaabot seaborne procession.
Apan kontrolahon o limitahan sa kapulisan ang gidaghanon sa mga deboto nga makasaksi ibabaw sa taytayan.
Gidili usab ang pagdala og mga butang sama sa pabuto ug
balloons sa mosaksi sa procession aron kalikayan ang disgrasya.
Dugang ni Obon nga kon sa ilang bana-bana puno na ang taytayan hilabi na sa habig sa Lapu-Lapu, di na nila pasak-on ang uban pang deboto aron di ma-overcrowded kay dunay mangaging mga sakyanan.
Gikatakdang sirad-an lang sa mga motorista ang taytayan atol sa Traslacion nga manukad sa Dakbayan sa Mandaue paingon sa dakbayan sa Lapu-Lapu sa Enero 19 sa kaadlawon.
Sa milabayng katuigan ang taytayan nahimo nang dapit hugopanan sa mga deboto nga mosaki sa seabornes procession gumikan sa kabantang niini sa higayon nga moagi ang imahe sa balaang bata atol sa fluvial procession.
“Yes controlled. Kanang dili gyud mo-overflow. Di ba naa man nay sidewalk. Og mapuno na, dili na namo (pasak-an) kay siyempre ang tendency man gud ana mokanaog sila (sa dalan),” matod ni Obon.
“We always anticipate simbako naay matagak diha,” dugang niya. Magbutang siya og mga pulis sa taytayan ug di na niya pabiyaan. /