Bisan bayot

Dear Noy Kulas,

Tawga lang ko sa ngan nga Roda, 21. Taga Mindanao ko ug naabot diri sa Cebu kay daghang opportunities dinhi.

Na-meet nako si Kizzy. Ganahan kuno siya nako sa akong pagkabayot kay malingaw siya kay joker ko. Bitaw bayot ko ug kadaghan na ko dunay relationship sa mga lalake. Wa koy close friend nga babaye and first ni si Kizzy.

Sa mga gig ug uban pa partner kaayo mi. Manan-aw og sine, disco, concert ug bisan unsa, naa ming duha magkuyog. Until naka-realize ko nga ganahan ko niya. Maora ko og mahimong lalake kon naa siya. Lain ang akong na-feel for her. Mingawon na ko kon wa siya mao magsige ko og pangita. Siya pud ganahan nga naa lang ko pirme kuyog niya.

Unsa kaha ni, Noy, love na kaha ni? Wa ko kahibawo kon unsa ni kay wa pa ko kasuway og ing ani ug para sa babaye. Unsa kaha ning ako, Noy? Magkatawa ko maghuna-huna.

RODA

Rod,

Di man imposible nga ang bayot mahigugma og babaye. Dunay proven cases ana nga nakaanak pa gani ug nagpuyo isip magtiayon. Basin silahis ka ug wa ka lang makahibawo tungod kay wa ka pa makasuway nga maka-feel og the same niana sa babaye kay karon ka pa nakasuway nga duna kay close nga female friend. Kon silahis ka, dako kaayo na nga possibility nga nakakat-on ka og higugma niya.

Wa say dautan kon manguyab ka anang imong amiga kay pulos mo single or bisan ingnon pang pulos dalaga. Suwayi og mention ngadto kaniya kon unsay imong nafeel karon. Basin pa diay nga mutual ang inyong feeling tungod kay nagsige na mo og kuyog. Kanang pagsige og communicate, kuyog usa na sa mga sinugdanan sa feeling sa gugma. Diha magsugod ang love. Busa, di gihapon layo ang posibilidad nga mao na ang imong na-feel.

Let it out aron di na ka maghigwaos nga maghuna-huna sa imong gibati. Mas makaayo na nimo. Who knows nga magkakamo, nindot but medyo kataw-anan tingali para nimo kay unusual. Ang nakanindot, kahibawo na siyang bayot ka, wa magpa-pretend nga lalake sama sa uban.

NOY KULAS