Blatche gilakip na ni Guiao sa Gilas lineup

Nisumiter na si national coach Yeng Guiao og lineup sa Team Pilipinas ngadto sa Samahang Basketbol ng Pilipinas (SBP) alang sa final window sa Fiba Basketball World Cup Asian qualifiers sa sunod buwan.

Wala gibutyag ni Guiao ang mga pangalan sa iyang lineup apan giangkon niya nga nahilakip niini si naturalized player Andray Blatche.

“We met last Tuesday with the SBP and the coaching staff. We are going to start practicing on January 21st,” matod ni Guiao nga napatik sa Spin.ph.

“We already submitted the lineup to SBP and it’s up to the SBP to make it public. Andray Blatche is in the lineup.”

Dala ang 5-5 nga rekord sa Group F, ang Team Pilipinas nagkinahanglang modaog sa ilang umaabot nga duha ka mga tahas.

Ang Team Pilipinas moasdang sa Qatar karong Pebrero 21 dayon sa Kazahsktan karong Pebrero 24.

Nanghinaot si Guiao nga motugot ang Philippine Basketball Association (PBA) kabahin sa iyang hangyo nga makapahigayon og kaduha ka mga adlaw nga praktis sulod sa usa ka semana aron makapangandam og insakto.

“We will talk to the PBA to request na instead of once a week, maging twice a week ang practice namin,” pasabot ni Guiao.

Gitino ni Guiao nga wala pa siya masayod kon kanus-a maabot si Blatche sa nasod apan alang kaniya, mas maayo kon maabot kini og sayo.

“Gusto namin ASAP eh. Kung pwede January, pero kung hindi naman puwede, baka first week of February,” dugang ni Guiao.

Sa sayo pa si Blatche mipadayag nang daan nga andam siyang moduwa og balik sa Gilas.