NAGLUKAT OG POLICE CLEARANCE GIDAKOP

Nakurat na lang ang usa ka 40-anyos nga negosyante dihang kalit siyang gipusasan samtang naglukat unta og police clearance sa buhatan sa Lapu-Lapu City Police Office pasado alas 4 sa hapon niadtong Pebrero 4. Kini human masuta nga aduna diay siya’y pendi

kapulisan sa ilang database.

Ang dinakpan nailhang si Nixon Familiar Capangpangan nga molupyo sa Pusok, dakbayan sa Lapu-Lapu.

Matod ni Superintendent Mark Gifter Sucalit, hepe sa City Intelligence Branch sa Lapu-Lapu City Police Office, nga daling nakig-alayon kanila og sa Investigation Detection Management Branch (IDMB) dihang na-hit ang pangalan ni Capangpangan hinungdan nga dali usab kini nilang gipusasan.

Tuig 2013 pa giingong nalutsan ug warrant of arrest ang dinakpan human kini giingong mangulata og usa ka traffic enforcer sa dakbayan kauban ang iyang higala niadtong tuig 2004.

“Gi-contact ang atong operatiba tapos ni-coordinate ta sa korte nga concern so inshort established na ang network niya sa Lapu-Lapu even sa counterpart, dili unta nato siya i-aresto kung di pa validated,” pagpasabot ni Sucalit. Pahimango ni Sucalit sa mga adunay kaso sa pag-atubang gayud niini sa korte aron di makasugat og problema.

“Naa man guy uban nga dili na first time nga naay ing-ana basig tan-aw nila makalusot kay nakalimtan ang kaso pero naa diay to’y gipasaka nga kaso, ug naa siyay contest pwedi raman na niya e-contest sa korte” matod ni Sucalit.

Ang dinakpang si Capangpangan sa iyang bahin mibutyag nga wala gayud siya magdahom nga aduna siyay kaso nga giatubang.

Dugang pa niya kun nasayod pa siya daan nga aduna diay siya’y kaso wala na lang unta siya mokuha ug police clearance.

Pagpasabot niya nga naangin ra siya sa kaso sa iyang higala niadtong tuig 2004 nga nangulata og usa ka traffic enforcer. Mikuha unta siya og police

clearance aron maoy iyang himuong ID sa iyang transaksyon sa Mactan Electric Company (MECO).

Gibutyag sa dinakpan nga aduna lang siya’y tindahan isip panginabuhian. “Nag-expect ko wala nakoy

warrant kay katong una nakong kaso na acquitted man to ang direct assault unya ni-file napud ug lain diay wala mi kahibawo wala man mi padad-e ug subpoena,” pagpasabot ni Capangpangan.

Aduna hinuo’y P120,000 nga piyansang gitugot ang korte ngadto kang Capangpangan alang sa iyang temporaryong kagawasan.