Pabiyaon sa negusyo
Dear Noy Kulas,
Just call me Lena, 40 years old, minyo ug anak. Bisan kon usa ko ka professional sa medical field, naa ra ko balay aron pag-atiman sa among usa ka anak. Ako ning promise sa akong bana. While siya fulltime nga nagtrabaho sa usa ka dakong kompaniya. Dako siya og ranggo sa company. This means maayo siya og sweldo.
Bisan sa kadako sa iyang sweldo, wa ko mangayo niya kay iyang obligation as husband to give me the money as support niya nako and sa among anak. But wa niya tumana ang iyang responsibility. Siya ra ang mamalit ug mobayad diretso sa bills namo while ako tagaan lang og pamlete ug pang snack kon maghatod ko sa among anak.
Aron makakuwarta ko, naghinahinay ko og pamaligya online hangtod nga nagkaanam og kakusog ang akong online business. Karon, medyo nalingaw na ko sa akong time. But ang akong husband nasuko, ngano kunong nag business ko, di ba kuno enough ang iyang support. Ako siyang gipasabot ngano, apan nasuko siya og maayo. Ni-threaten siya nga makigbuwag siya nako kon mo-continue ko sa akong gamay nga business.
Unsa may akong pilion, akong business or marriage? Maayo kaha nga akong undangon akong business ug completely dependent ko sa akong husband? Ikaw, Noy Kulas, husband man ka, unsay imong ikasulti? Please tambagi ko. LENA
Len,
Lainlain baya ang bana base usab sa personalidad sa matag usa nato. Apan kon balaud ang hisgutan, base niini, unang katungdanan sa bana mao ang pagsuporta sa iyang pamilya, paghatag sa ilang mga panginahanglan ug uban pa. Busa, husto siya, iyahang katungdanan ang pagpangitag resources aron ikasuporta nimo. Apan wa usab hikawi sa balaud ang asawa nga makapanginabuhi. Gawasnon ang asawa sa pagpangitag kapanginabuhian. Gani, kalapasan sa balaud nga himuong economically dependent ang asawa nga gamiton sa bana nga hinagiban aron maitoy ug magawngan ang kapikas.
Bungati siya sa imong financial needs. Kay bisan tuod asawa ka niya, wa na magpasabot nga di ka na lang sab magbaton og imong kaugalingong panginabuhian. Ingna siya nga alang ni kaniya ug sa inyong anak. The more income stream, the better sa pamilya.
Hinayhinayi lang siya sa pagpasabot. Madala ra lagi na. Ayaw lang tugbangi og kasuko.Kay duda nako, seloso na ang imong bana. Mao nang di siya gustong makig-deal kag laing tawo. Di ba?