Imbestigasyon sa kasong pagbanhig-patay ni Castro nakahunat na

Mihunat na sa ilang imbestigasyon ang giumol sa Cebu City Police Office (CCPO) nga Special Investigation Task Group (SITG) sa kaso ni kanhi Cebu City Assistant Prosecutor Mary Ann Castro.

Kini human nga gipatawag gahapon sa buntag, Pebrero 7, ni Sr. Supt. Royina Garma, direkor sa CCPO, ang molangkob sa SITG nga mao ang Criminal Investigation and Detection Group 7, PNP Crime laboratory ug ang mga imbestigador sa Abellana police station.

Sa pagkakaron, matod ni Garma nga blangko pa sila sa mga suspek apan aduna na silay saksi nga usa ka lalake nga maka hatag sa ideya sa gun man nga giingong nakakita sa hulagway niini.

Apan aduna pa silay gipangita nga usa ka babaye nga nakakita usab sigun sa pamahayag sa inahan ug igsuon ni Castro nga makahatag usab ug katin-awan kung kini motakdo ba sa pamahayag sa unang saksi nga naa na sa kustodiya sa kapulisan.

Dugang ni Garma, ang SITG Castro magsugod sa crime scene diin mokuha silag mga ebedensya nga maka hatag kanilag katin-awan kinsa kining mga personalidad nga nag banhig sa piskal.

Mohimo usab silag backtracking sa mga tawo nga posibling adunay interest sa kinabuhi niini.

Aduna na silay kuha sa CCTV camera diin giingong ang back rider sa motor ang mikanaog ug miduol sa sakyanan ni Castro ug human kini mamusil mibalik kini sa motor ug mi u-turn pahilayo sa dapit.

Giangkon ni Garma nga naglisud pa sila sa motibo tungod sa kadaghang posibling angulo nga ila pang tan-awon.

Ang pamilya sa piskal sa dihang nakig tagbo kini kaniya adunay gitunol nga dokumento nga mahimong maka giya kanila kini sama sa mga kaso diin ang biktima ang mireklamo labot sa personal niini nga kinabuhi.

“It’s about the cases na involve si Fiscal Castro sa personal niyang buhay and I won’t give the details. Parang more on property and more on money its more on personal na ,” matod ni Garma.

Adunay mga pangalan nga mitumaw apan dili pa kini matawag nga persons of interest sa pagkakaron ug dili usab nila kini mahimong mapatawag kung wala silay ebedensya.

Matod niya nga ang gihimo karon sa mga imbestigador nga nangulekta pa silag ebedensya nga maoy maka hatag sa kahayag sa ilang pag sulbad sa kamatayon ni Castro.

Labot sa mga video nga gipang upload sa social media mahimo usab nga mo duol kanila ang naghimo niini ug dili lang puro pagduda ang himuon sa publiko.

Iyang gipasabot nga ang tumong ug tuyo sa imbestigasyon mao ang pagkuha sa lig-ong ebedensya nga magtumbok sa mga gun man nga maoy mi ambush sa kanhi fiscal.

“The people who uploaded it shoudl come up labas sila hindi tayo puro tsimis. Ang daming tsismis na nagsasabi ng baka-baka. We are investigating and we are not gatheting intellgience here. we are not gethering information, we are gathering evidence para ma identify natin yung suspect,” dugang ni Garma.

Samtang sa tanang pulis nga sakop sa RSOG-7 nga gipangpasakaan og kaso ni Castro mahimong pipila lang kanila ang ipatawag isip kabahin sa imbestigasyon.