UYAB, MGA KAUBAN NI ASHLEY IPADAKOP

DUTERTE MIMANDO SA KAPULISAN; SINAS MOHIMOG LAKANG

Nimando si Presidente Rodrigo Duterte sa pagdakop kang Nel Spencer Tiu ug ubang mga kauban ni Ashley Abad.

Si Ashley, 19, namatay sa overdose sa gituohang Ecstacy, usa ka matang sa party drug, atol sa usa ka concert sa Cebu Business Park niadtong Enero 19.

Si Police Regional Office (PRO) 7 Director Chief Superintendent Debold Sinas nikompirmar nga gitawgan siya ni Duterte ug gimandoan sa pagkiha sa mga nalambigit sa hitabo.

Matod sa usa ka kabanay nga nihangyong di nganlan, si Duterte nasuko kaayo kon nganong hinay kaayo ang imbestigasyon sa kamatayon ni Ashley.

Ang kabanay niingon nga ang gimandoan ni Duterte mao si Cebu City Police Director Senior Supt. Goyina Garma ug Sinas.

Ang mando gihimo ni Duterte atubangan sa pamilyang Abad nga nakigtagbo sa Presidente niadtong Pebrero 7.

Ang nakigtagbo kang Duterte mao ang mga ginikanan ni Ashley nga sila si Jose Alfonso ug Grace Abad, tigpamaba sa pamilyang Abad nga si Benny ug Toledo City Councilor Merle Abad ug uban pa. Matod sa kabanay, nadunggan si Duterte nga nisulti sa iyang kaestorya sa telepuno:“Put him in jail!”

Ang tinubdan niingon dihang ang mao nga tawo sa pikas linya nga mao si Garma nipasabot nga way kaso nga napasaka pa batok kang Tiu, si Duterte nadunggan nga niingon: “I don’t care. Ingna President ang nagpadakop.

File a homicide case against him. That’s an order.”

Apan sa laing interbyu, si Benny, tigpamaba sa mga Abad, niingon nga naghuwat pa sila sa autopsy report nga ilang gipaabot nga ipagawas sa Pebrero 14 sa di pa ipasaka ang kaso batok sa mga nalambigit.

“Once we file a case, this will be murder, so, he (Tiu) cannot put up a bail for his temporary liberty. Their companions are willing to tell it all. Tiu is evading invitations from the police, while their companions are willing to tell what happened,” nagkanayon si Benny. Matod niya nga gipatumar

si Ashley og tibuok nga tabletas nga unta nahibawo ang mga kauban nga katunga ra ang gikinanglan sa Ecstasy. “Being users themselves (mga

kauban ni Ashley) for a long time, they knew the dos and don’ts on Ecstacy. So why did they let her drink? My theory is that there was an intent to kill her. That’s murder. That’s my

opinion,” nagkanayon si Benny. Matod niya ang ang kapulisan nakahibawo na kinsa ang mga kauban ni Ashley.

Iya usab nga gitumbok si Tiu nga naglikay dihang gipatawag sila ni Garma sa usa ka conference, kay ang abogado ra niini nga si manlalaban Orlando Salatandre, Jr. ang nitambong.

PRIME SUSPECT

Matod ni Sinas nga nangutana kaniya si Duterte kon unsay status sa kaso ni Ashley.

Siya ug si Garma ang nipasabot sa Presidente. Si Sinas niingon nga ilang ipatawag ang tanang mga kuyog ni Ashley atol sa concert.

Iyang gitug-an nga si Tiu

prime suspect na sa kamatayon sa iyang hinigugma.

Kon padayong magmagahi si Tiu sa pagkooperar sa imbestigasyon,

ilang hangyuon si Police Director General Oscar Albayalde sa pagpagawas og subpoena.

Kon di gihapon mopatuo, ila kining pasakaan og kaso ug dakpon. Apil na niini ang mga higala ni Ashley.

Mahimo silang mapasakaan og kasong negligence resulting to

homicide, nagkanayon si Sinas.

“Now kon ang boyfriend dili mogawas, we will ask for the subpoena power of the chief PNP para i-summon siya, para kon dili siya (Tiu) mosugot, damputon namo siya,” matod ni Sinas.

Si Sinas nipasabot nga dihang ilang nahinabi ang doktor nga niatiman kang Ashley, mabuhi pa unta kini kon nadali sa pagtabang. Matod niya nga sulti sa mga saksi, gilangay ang pagtabang kang Ashley sa iyang uyab ug mga higala.

“I think there were six of them. We have identified them. If they will not voluntarily (see us), we will subpoena them and we will include them in our charges against the boyfriend kon dili siya (Tiu) makipag cooperate, we will file a homicide (case),” dugang ni Sinas sa interbyu sa mga tigbalita niadtong Sabado. /