Mga chikang Bayani, Piolo ug Anne Curtis AY'G SABA! / Doodz Daclan

Nagmadasigon ang career ni Bayani Agbayani, mao nga bisan asa nga programa kini mo-guest dili gyud niya makalimtan ang magpasalamat sa dos.

Kon nahinumdom mo sa programa ni Luis Manzano diin nahimong mainstay didto si Bayani, didto usab nabalik ang pagka-komikero niini.

Gikan didto wala nay hunong ang mga proyekto nga miabot sa iyang kamot. Karon usab may mga pelikula kining gibuhat nga hapit na ninyo makita sa sinehan, may movie kini nga kauban si Gelli de Belen ug ang pelikulang “Feelinials” kapartner si Aiai delas Alas, ay’g saba!

Mas focus karon si Piolo Pascual sa pelikula ug pagka-producer, pero daghan kaayo ang duda sa pamahayag sa aktor.

Matud pa nila nga siguro wala na lang gyud kuha-ang bida ang aktor sa mga teleserye kay mihinay na kini sa telebisyon.

Sa iyang ulahing serye wala kaayo mosaka ang rating, mao nga sa sitcom na lang una karon ang Piolo isip hulip ni John Lloyd Cruz sa “Home sweetie home” kapartner si Toni Gonzaga.

Pero gihimakak sa aktor nga wala na siyay halin sa mga serye kay gani duna kuno siyay offer ug siya lang mismo ang nibalibad.

Taas man gud ang oras nga igahin para sa taping sa mga teleserye. Gusto kuno niyang masulit ang matag oras sa iyang panahon. Mao nga panagsang pelikula na lang ang iyang buhaton matag tuig ug mag-concentrate kini ug maayo sa pagproduce og pelikula.

Lakip sa iyang e-produce mao ang balik- tambalan nilang Empoy Marquez ug Alessandra de Rossi. May pelikula pa si Regine Velasquez Alcasid nga si Piolo usab ang mag-produce, ay’g saba!

Daghan na ang nagpaabot kon kanus-a makabaton og baby ang magtiayong Anne Curtis ug Erwan Heussaff. Sa akong tan-aw wala man siguro sila mag-control.

Kon mahitabo man gani kini, si Anne na siguro mismo ang mo-lie low sa iyang career apan karon nga wala pa ratsada lang una sa mga proyekto ang guapa, ay’g saba!