TALISAY KAMPIYON

Sa makausa pa, saktong dominasyon ang gipakita sa Talisay City Aquastars batok sa Carcar City Lechoneros, 87-59, sa Game 2 sa best-of-three finals aron langkaton ang kampiyonato sa 3rd Samsam Gullas Cup Inter-Cities/Municipalities 20-under basketball tournament nga gipahigayon sa Carcar City Sports

Complex niadtong Sabado sa gabii.

Sayong nakaarangkada ang Aquastars ug nakaposte gilayon kini og 12 puntos nga labaw sa first quarter apan nakabaton kini og pagpanghudlat sa second period sa dihang ang Lechoneros, pinangulohan nila ni Rey Joseph Alfeche, nakapahagsa og og 6-0 nga rally aron isirado ang 31-37 nga

score pagkapupos sa first half. Apan sa pagsugod sa third

quarter, mibingat og balik ang labaw sa Talisay human nangigo sila si Raffy Bacasmas, Jay Dieparine, Michael Tabay ug Rodel Beduya sa gawas nga bahin.

Dili pa gyud igo, mitimang usab sa sila si Ronan Briones ug Keaton Clyde Taburnal sa opensa nga maoy naghatag og kasiguroan sa mga batos ni coach Rey Michael Gurrea sa kadaugan nga sa samang higayon nagkulit og kasaysayan sa local basketball scene sa Sugbo.

Ang Aquastars, subling miharos sa tanang pito ka duwa sa maong tournament nga wala gyud makabaton og kapildihan, butang nga ila usab nga nahimo sa Cebu Governor’s Cup sa niaging tuig diin wa usab silay pildi sulod sa 14 ka duwa.

Sa kinatibuk-an, ang Aquastars nga inabagan usab nila ni Jack Alvin Rabaya ug konsehal Rudy Cabigas, mitali na og 22-0 sa duha ka sunodsunod nga dagkong tournament dinhi sa Sugob nga gitumong alang sa grassroots level.

Si Bacasmas nga may 18 puntos ug 11 ka rebounds maoy nahimomg most valuable player (MVP) sa finals diin gikauban niya sa mythical five si Jay Deiparine (MVP sa regular season), Ronald Geraldino sa San Fernando, Lyle Eredera sa Minglanilla ug Rey Joseph Alfeche.

Sa sayo pa, giangkon sa Minglanilla Archangels ang third

place honor human nila mapildi ang San Fernando Spartan.

Ang tinuig nga torneyo nga giorganizar ni Cebu 1st District Congressman Samsam Gullas gipaluyohan ni businessman/ sportsman Jerry Oberes sa Emil’s Fresh Chicken ug sa Tough Gear Sports.

/ JUN MIGALLEN ■ BACK-TO-BACK SWEEP: Ang Talisay City Aquastars naKakulit og talagsaong kalampusan sa natad sa basketball sa Sugbo human kini milangkat sa titulo sa 3rd Samsam Gullas Cup niadtong Biyernes pinaagi sa pagharos sa tanang duwa niini. Makita sa hulagway ang kinatibuk-ang puwersa sa team nga gipangulohan ni coach Rey Gurrea (ikaduha gikan sa wala), Jack Alvin Rabaya, konsehal Rudy Cabigas (ikaduha gikan sa tuo) nga nagdawat sa cash prize gikan ni Mickey Oberes, usa sa mga nag sponsor.