Shabu, ecstasy, ubp.

Ning nagpadayon nga gubat sa kagamhanan batok sa ilegal nga druga, ang shabu o Methamphetamine maoy nag-unang nagbandera nga drug. Binilyon ang negusyo sa shabu sa nasod.Nakaapekto dili lang sa mga batan-on apan naglakip sa mga hamtong ug tiguwang na. Nadani sa naasoy nga negusyo dili lang tradisyonal nga sakop sa sindikato, naglakip na sa mga awtoridad (kapulisan), mga politiko ug mga taas nga opisyal sa kagamhanan.

Gikabalak-an niadtong narco-politics o pagkontrolar na sa sindikato sa mga ilegal nga druga sa pulitika nahitabo na karon. Maklaro nato kini sa mga balitang lokal ug nasuyonal. Maayo na lang nga wala pa makuha ang liderato sa nasod sama sa nahitabo kaniadto sa pipila ka nasod sa South America. Unsa kahay atong kahimtang kon lain ang nidaug nga presidente?

Mapasalamaton kita nga ang atong pangulo nga si Presidente Rodrigo Roa Duterte hugot sa iyang baroganan ug kawsa sa paglingkawas sa nasod sa paghamok sa ilegal nga druga. Ubos lang sa iyang administrasyon nga atong nasayri kon unsa na kalawom ang problema sa drugas sa nasod, diin bisan sa siya mismo nangangha sa sitwasyon.

Laing misulpot nga druga mao ang ecstasy o synthetic amphetamine analog C11H15NO2. Dili kini bag-o human nataudtoad na kining gikataho nga giabusohan sa mga adunahan sa kaulohan. Ug bag-ong nabaniog dinhi sa Sugbo nga gigamit sa batan-on gikan sa mga arangan nga pamilya. Mas naugkat kini pag-ayo human kamatayon ni Ashley Abad atol sa konsiyerto sa uptown sa dakbayan sa Sugbo panahon sa Sinulog. Giingong na-ovedose kini sa ecstasy.

Dili mominos si Presidente Duterte ang niintirbiner na sa kaso ug nimando sa pagsikop sa uyab ni Abad nga si Nel Spencer Tiu ug mga kauban nga mokooperarar sa imbestigasyon aron pagsaksi sa kamatuoran ug pag-ugkat sa negusyo sa druga nga ecstasy sa Sugbo. Maayong masumpo samtang sayo pa.