You don’t belong to me
Kon mahimo, friend na lang gyud unta mi si Rayner. Apan nagpadayag na man siya sa iyang love nako ron? Human mi mag-esnak, gihatod ko ni Rayner sa akong classroom. Morag wa ko sa akong kaugalingon. Di man ko limbongan labi na sa akong kaugalingon. Hilom sab kong nakagusto kang Rayner, nalove at first sight sab ko niya.
Apan naningkamot ko nga itago kang Rayner ang mao kong gibati niya. Nagpugong ko sa akong kaugalingon. Gusto ko nga mamatay ang hilom kong paghigugma niya. Apan unsaon nga kanunay man ming magkita ug magkauban? Misamot man gani kadako ang pagmahal ko niya.
Gisugilon ko kining tanan kang Mariz. Cousin nako si Mariz. Sa tanan kong mga paryente, siya ang labi kong suod. Taga probinsiya siya ug dia magpuyo sa among balay kay nag-eskuwela man sab siya sa college. Buotan si Mariz maong pinangga sab siya sa akong Mama ug Papa. Parehas ra mig edad ug second year college sab siya.
Mao pay pagsulod namo ni Mariz sa akong kuwarto karong gabhiona. Dako ang akong kuwarto ug kama, pang-double nga kama, maong magdulog mig higda si Mariz.
“Na, unsaon na man lang ana ron, Judith? Aw, follow na lang sa pinitik sa imong heart.”
Nahilom ko. Mibangon ko ug misandig sa headboard sa kama. Nagpabiling naghigda si Mariz.
“How about you, Mariz?” “Ha? Unsay how about me?” Nahikatawa na lang ko kay puwerte gyung kuganga sa akong ig-agaw. Mipakibo na lang ko sa akong mga abaga.
“Forget it, Mariz. Kining, nakasuway ka na bag panguyab?”
“Well, kaniadtong third year high school ko sa among lungsod. Pero nasuta namo nga puppy love lang diay ang gibati namo sa usag usa. So, nagbuwag mi. Hangtod karon zero ko sa akong lovelife.”
“Nindot diay ning nahigugma ta, no, Mariz? Morag pulos kalipa lang gyud ang atong bation labi nag atong gikauban ang atong love.”
“Aw, ingon gyud tingali ana, Judith. Di lang ko makaingon nga husto gyud ka kay wa pa man ko mobatig true love. Aw, unsa may imong pagtuo anang gibati mo ron kang Rayner, true love na ba kana?”
Nakatan-aw ko pag-ayo kang Mariz.