US TEAM MIBAWOS SA WORLD SQUAD

Nagpakatap og 35 puntos si Los Angeles Lakers forward Kyle Kuzma aron pangulohan ang kadaugan sa U.S. team batok sa World

squad, 161-144, kagahapon sa 2019 National Basketball Association (NBA) AllStar Rising Stars basketball

game sa Charlotte.

Ang kombati naghatag og saktong lingaw sa mga tumatan-aw gumikan kay abunda kini sa mga hansak, maaninot nga layups, three-pointers ug uban pa.

Ang duha ka mga kampo nagkumboya og 37 ka threepointers, 55 ka mga hansak ug 12 lang ka freethrows.

Si Kuzma maoy napiling MVP.

“Last year, the World team kicked our butts,” matod ni Kuzma. “They came in here and beat us by 30. A lot of us kind of remembered that.”

Ang US team, nga gilangkuban og rookies ug sophomores nga Amerikanong mga magduduwa, nakadawat sab og 30 puntos gikan kang Boston Celtics guard Jayson Tatum.

Si Trae Young sa Atlanta Hawks nidugang og 25 puntos alang sa US squad, nitampo og 20 puntos si Donovan Mitchell sa Utah Jazz samtang niamot og 15 puntos si De’Aaron Fox sa Sacramento Kings. “There’s a $25,000 bonus for winning the game. So that’s

good,” dugang ni Kuzma. Ang World squad gipangulohan ni Australian Ben Simmons sa Philadelphia 76ers pinaagi sa iyang 28 puntos, nitunol og 21 puntos si Lauri Markkanen sa Chicago Bulls samtang nihatag og 13 puntos si Dallas Mavericks rookie star

Luka Doncic.

Nag-coach sa US team mao si Bost0n Celtics superstar Kyrie Irving samtang si Dallas Mavericks superstar

Dirk Nowitzki ang naggiya sa World squad.

“I want us to share the ball and not one guy dribble it 20 times and hoist something up — like Luka does with the Mavs,” sagol komedya nga asoy ni Nowitzki sa iyang speech sa wala pa nagsugod ang duwa.

“Just have some fun. It’s OK to compete,” mensahe sab ni

Irving.

Adunay puntos nga miawhag si Mitchell sa iyang mga kauban nga kinahanglang pahugtan sab nila ang ilang depensa aron makabawos sa World squad. “We gotta play some defense,” awhag ni Mitchell sa iyang mga kauban apan dili tataw kon aduna ba’y naminaw kaniya gumikan kay makita nga naglingawlingaw ra ang tanan.

Sa tibuok 1st half, usa ra ka foul ang natawag sa mga referee nga timailhan nga luag ra gyud ang depensa sa duha ka mga kampo. Gikan sa pagsugod ning maong format, ang World squad nakabintaha batok sa U.S. team, 3-2.

/ AP ■ MVP: Paingon nga mohansak si U.S. Team forward Kyle Kuzma batok sa World Team sa NBA All-Star Rising Stars basketball game kagahapon sa Charlotte. Ang usa sa mga pambato sa Los Angeles Lakers maoy napiling MVP sa duwa.