TITLE FIGHT SUNOD AWAY NI TAPALES?

Human sa impresibong kadaugan niadtong Sabado (Dominggo sa Pilipinas), nakakuha og balik si Marlon Tapales og luna nga maoy maghatag kaniya og laing dalay alang sa world title fight.

Si Tapales, kinsa taodtaod nga wala igdungog sa natad sa pamoksing human sa hataas nga wala na makaaway, mi-knockout ni Fernando Vargas Parra sa ikalima nga round didto sa Microsoft Theater sa Los Angeles, California.

Sa tinguha nga makapadasig nga daog ang iyang maangkon, si Tapales mibuhi sa usa ka makusog ug solidong right hook aron pagtumba ni Parra sa uwahing bahin sa maong round.

Bisan tuod og nakabarog kini sa eight mandatory

8-count, apan nibarag kini nga naglakaw paingon sa corner hinungdan nga gipaundang kini sa referee sa maong away nga gikan pa lang gani sa sinugdanan gidominar na ni Tapales.

Target karon sa kampo ni Tapales mao ang eliminator fight o world title sa featherweight division sa sunod

nilang away.

Si Tapales ubos na karon sa pagdumala ni kanhi world

champion ug Sugboanon nga si Rodel Mayol ug gipaluyohan sa MP Promotions.

Bisan tuod og ka usa ra usa ra ang iyang away matag tuig sukad niadtong 2016 diin iyang gipildi ang Thailander nga si Pungluang Sor Singyu sa ika-11 nga round aron sakmiton ang World Boxing Organization (WBO)

bantamweight title, gipakita ni Tapales nga wala gihapon siya matay-i.

Ang 26 anyos nga Tapales misaka ngadto sa 32-2 nga baraha samtang si Parra nahagsa sa 34-15-3, nga may 23

knockout nga record.

Sukwahi sa niagi niyang away diin natangtangan siya og bakus tungod kay na overweight atol sa tinimbangay, si Tapales niadtong Biyernes daw sa naleksiyon na ug yani kining mikuha sa iyang timbang 123.4 lbs. nga mas gaan pa gani kay ni Parra, 123.6 lbs.