MUNYEKA NGA ZOMBIE GIPAKASLAN

Human sa ilang kasal, gusto ni Felicity Kadlec, 20, nga magkaanak sa iyang giminyoan nga usa ka zombie doll.

Si Felicity nangangkon nga nagpanuigon na og 37 ang doll nga iyang gipanganlan og Kelly Rossi.

Ang seremonyas nahitabo sa Tiverton, Rhode Island, U.S.A.

Walo ka mga munyeka, uban niini susama og dagway sa zombie, ang nitambong sa kasal, nga giingong pagpakita sa ilang suporta ngadto sa higala nga si Kelly.

Sumala ni Felicity, kinsa nagpuyo karon sa Vinita, Oklahoma, nangangkon nga ang pakigminyo kang Kelly mas nakapasuod nilang duha.

Sila nagplano nga makabaton og anak.

“We are exploring our options. It would be me carrying the child and using donor sperm. We haven’t got as far as working out the logistics of it yet – that is a work in progress, but it is something we are serious about,” asoy ni Felicity sa The Sun nga gimantala sa Mirror News.

Si Kelly kay hinatag sa iyang namatay nga amahan human kini nahilig motan-aw og mga salida nga horror ug zombie dolls. Matod ni Felicity, gisuwayan niya og pugong ang iyang pagbati ngadto sa munyeka, apan mas nasuod kini niya human mamatay ang iyang amahan niadtong 2017.

Bisan kon susama og dagway sa zombie si Kelly, si Felicity nagkanayon nga nahigugma siya niini ug dili kini niya ibaylo og laing butang dinhi sa kalibotan.

“I am intimate with Kelly – I caress her and feel safe with her, and I feel a genuine connection when I’m having an intimate moment with her,” dugang ni Felicity.

/ CATERS NEWS AGENCY ■ NGANO KAHA?: Mihawok si Felicity Kadlec, 20, sa munyeka human sa seremonyas sa ilang kasal didto sa Estados Unidos. Ang munyeka nga sama og dagway sa zombie, hinatag sa iyang amahan nga namatay na. Si Felicity miangkon nga human mamatay ang amahan, ang zombie doll na ang iyang sumbongan sa mga nahitabo sa iyang kinabuhi.