Mental health facility sa San Rem gibuksan

Pormal nang gibuksan niadtong Huwebes, Pebrero 21, ang mental health facility nga gipasiugdahan ni Vice President Leni Robredo sa San Remigio, amihanang Sugbo.

Ang heath facility lakip kini sa iyahang Angat Buhay Bridging Leadership Program.

Mokabat sa P2 milyones nga assistance ang gitagana sa Office of the Vice President sa 100 square meter nga pasilidad.

Pormal nang gi-turnover sa OVP ang mental health facility ngadto sa local government unit (LGU) sa San Remigio isip suporta sa ilang community-based mental health program.

Ang pasilidad nga alang sa mga pasyente nga aduna’y problema sa ilang pangutok ug mamahimo nga i-confine, treatment alang sa counseling ug konsultasyon ug art therapy room.

Partner sa OVP Angat Buhay ang Solana Foundation nga nitabang usab sa katukoran sa pasilidad.

Gipangulohan mismo ni Robredo ang inagurasyon ug blessing sa center diin gihimo usab ang turnover sa mga tambal gikan sa laing OVP partner nga ANCOP Foundation USA.

Sa pagkakaron aduna’y 200 ka mga residente sa San Remigio nga aduna’y mental health conditions susama sa depresyon, anxiety disorder, psychotic disorder ug developmental and behavioral disorders.

“Masayang masaya po ako kasi noong pagpunta ko ng November, na-meet ko iyong isang batch ng mga pasyente ng mental health program, saka iyong caregivers nila. At iyong improvement—hindi lang sa health nila pero sa buhay ng pamilya nila—dahil sa programa niyo ay napakalaki na,” matod ni ya.

Nadani si Robredo sa LGU sa San Remigio dihang nitutok sa pag-atiman sa mga aduna’y mental health problems nga naghatag niya og rason nga pagtukod sa pasilidad sa pagbisita niya human ang Yolanda.