Expanded Maternity Leave Act gihangop ni Imee
Gihangop ni Ilocos Norte Governor Imee Marcos ang Expanded Maternity Leave Act nga naglugway sa karaang duha kabuwan ngadto sa 105 ka adlaw nga pahuway sa babaye nga manganak.
Apan si Marcos, kinsa kandidato pagka senador, niingon nga kinahanglan nga tanawon usab sa gobiyerno nga maoy iyang tuyo sa Senado sa higayon nga siya mapili nga mahatagan usab og insentibo ang mga employer.
Iyang gipadayag nga di siya gusto nga ang maong balaod nga bag-ong lang gipirmahan ni Presidente Rodrigo Duterte maoy anti-women may labot sa pagpangita og trabaho.
“Parang may compensating incentive (sa mga employers) para hindi naman maging deterrent for hiring women. Magiging anti-women pa in the end, baliktad ang mangyari,” paghulagway ni Marcos.
Iyang gihimong sanglitanan mao nga kon mag-file na og maternity ang usa ka babaye, mawagtang siya trabaho sulod sa tulo ka buwan.
Iyang gihulagway nga dako og epekto sa operasyon sa usa ka kompaniya.
Human mag-leave ang empleyado, ang Social Security System (SSS) na ang magbayad sa iyang binuwan nga sweldo.
Di tiaw ang ikahatag nga problema ngadto sa kompaniya kon mawagtangan sila og kawani ug di sab lalim kon mag-hire og bag-o.
VAT PAKUNHORAN
Matod pa ni Marcos nga angay wagtangon ang 12 porsyento nga value added tax (VAT) sa mga tambal, basic food ug kunhoran ang VAT sa gasolina.
Siya niingon nga ang Pilipinas maoy usa sa labing taas og VAT sa mga nasod sa kalibutan.
Gihulagway ni Marcos nga kon siya makalingkod sa Senado, iyang pakunhoran ang 12 % VAT nga iyang gihulagway nga nagdugang sa kalisod sa mga Pilipino.
IHATAG SA MAG-UUMA
Gusto ni Marcos nga itugyan na lang ngadto sa mga Pilipino nga rice farmers ang 7 porsiyento nga kuwang sa supply sa bugas sa Pilipinas ug dili mo-import og 100 porisyento gikan sa laing kanasuran.
Kini human giaprobahan ni Duterte ang Rice Tariffication Law nga naghatag og kagawasan sa mga rice importer nga modala og bugas sa nasod bugti sa P10 bilyones nga buhis.
Ang buhis itugyan usab ngadto sa mga mag-uuma para molambo ang ilang pananom.
Matod sa kandidato pagka-senador nga kaya ra sa mga mag-uuma ang pag-produce sa 7% nga rice shortage.
Gitug-an ni Marcos nga nabalaka ang mga mag-uuma may labot sa maong balaod.
Gatusan ka mga empleyado sa NFA nabalaka nga mawagtangan na sila og trabaho.
Si Marcos nibisita kagahapon sa Sugbo para pagtambong sa kalihukan sa LGBT, senior citizen ug women’s sa barangay Capitol Site ug guest speaker sa Liga ng mga Barangay sa Leyte didto sa IEC. [Paid Advertorial]