‘WE’RE THINKING OF NAMES. ANY SUGGESTIONS?’ -- KORINA
Nangayo karon og sugyot si Korina Sanchez sa mga Netizen kon unsay ipangan niya sa ilang kaluhang mga anak ni Mar Roxas.
Ang 54-anyos nga “Rated K” TV host ni-welcome niadtong Huwebes, February 21 sa ilang twin babies ni Mar nga natawo pinaagi sa in vitro fertilization didto sa Amerika.
“I think if you believe hard enough, the miracle you most want can come true. Announcing the arrival of our little boy and little girl,” matod ni Korina sa iyang Instagram post.
“We’re thinking of names. Any suggestions? Jack and Jill? Sonny and Cher? MariKor and KoriMar? Daniel and Kathryn? Did you ever think it could still happen for me? I never stopped believing.”
Sa statement sa ABS-CBN News, ang magtiayon niangkon nga natawo ang twins “by surrogacy from our embryos.”
“The little boy arrived first at 5 pounds 4 ounces and one and a half hours later, his fraternal twin sister arrived at 4 pounds 12 ounces. They are both perfectly healthy.”
Ang tsismis nga gihimo ang proseso sa India ug nga ang surrogate mother sa mga bata usa ka Amerikana.
Si Mar ug Korina dugay nang nangandoy nga makabaton og anak human sila nakasal niadtong 2009.
Ang 61-anyos nga politician duna nay 25-anyos nga anak nga lalaki sa kanhi karelasyon apan una pa lang ning higayon ni Korina.
Sa pagkakaron tua pa sila sa Pennsylvania, Amerika kauban ang ilang kaluha.
Apan si Mar nga nidagan pagka-senador moabot na ugma, Dominggo, Pebrero 24, alang sa Harapan 2019 Senatorial Debate sa ABS-CBN. /