Kagahapon nga nabuhi TAMBAGI KO,

Dear Noy Kulas,

Maayong adlaw! Tagua lang ko sa name nga B. Im one of your followers sa Superbalita. Magpatambag ko nimo.

It started nga naa koy bestfriend sa high school pa mi. We are close ug gani crush nako siya. but wala nako cya panguyabi kay mahadlok ko maguba ang among friendship. I am a lesbian ug mahadlok ko nga mausab siya if mahibaw-an niya nga I have feelings for her. Apan human sa among graduation nagkalagyo mi kay namalhin og puyo akong pamilya.

After 26 years, Noy Kulas, nakita nako siya sa Facebook ug ako dayon siyang gi-friend request. Tuod man, gi accept ug nahibalik ang among communication. Daghan mig naestoryahan, lakip na ang akong pagbiya nga kalit lang. To my surprise iya diay kong gipangita ug murag gikumot ang akong kasingkasing dihang niangkon siya nga iya kong gipatud-an og mga luha ato nga time. Sa pagkakaron minyo na siya.

Wa ko makasabot sa akong gibati, Noy Kulas. Nibalik ang akong pagbati para niya niadtong high school pa mi. Karon single man gihapon ko. Duna na koy nakaipon nga mga babaye apan wala molambo ang among relasyon tungod kay dili man sad gugma ang nagkupot sa among relasyon

kundi gibuhong nako sila sa materyal nga mga butang. In the end, gibiyaan lang gihapon ko.

Akong gisulti sa akong friend ang akong gibati para niya ug ni-appreciate ko kay giisip ko niyang bff kay kuno minyo na siya ug di siya gusto nga makasupak sa ilang relihiyon ug di siya gusto makasala sa iyang bana. Nisamot ang akong paghigugma niya kay di siya pariha sa uban nga babaye. Ang sakit lang Noy Kulas, kay wala siya panggaa sa iyang bana. In short, di siya malipayon sa iyang kaminyuon.

B

B,

Di ko mo-encourage ninyong duha nga magkarelasyon. Di usab ko moingon nga iyang biyaan ang iyang bana but she can do something sa iyang kinabuhing minyo. She must stand up as a wife, di kay magpadaog sa iyang bana nga sa akong nabasa sa taas kaayo nimong suwat nga emosyonal, abusado ug babaero. Naa koy nailhan niana nga ang asawa, bisan sa kalantip sa pangisip ug kainila, nag-antos sa mga kamot sa bana nga abusado. Maayo gani, in the end, nahigmata ra siya.

Di maayo sa bata nga magdaku sa environment nga ingon niana. Busa, angay niyang barugan ang iyang pagka inahan. Let her focus sa iyang anak ug work, not sa husband nga abusado. Mapitol ra nang tawhana kay tungod sa balaud nga magamit kaayo karong panahuna, di na siya makapadayon sa iyang pangabuso.

You can remain very good friends aron usab duna siyay kasumbongan. Magkita from time to time kon makaari ka og Cebu. Encourage niya nga barugan niya ang iyang mga katungod isip tawo ug asawa. Ang inyong panahon milabay na. Hayan gituyo sa kahigayunan aron magkatagbo mog balik, duna siyay kasandigan sa iyang mga problema nga di niya masulti ngadto sa laing tawo.

NOY KULAS