As long as he needs me
Malipayon kaayo ko, aw, kinsa man say di malipay nga ikauban ko na sab ang akong my one and only, nga mikanaog sa gipuyan kong mahalong boarding house. Parehas mi si Olga, anak og dato ug maka-afford gyud ang tagsa-tagsa namo ka mga ginikanan sa pagpapuyo kanamog desenteng boarding house dinhi sa siyudad.
Gikan mi si Olga sa lagyong lungsod, hinuon parehas ming taga norte. Si Olga taga Medellin, samtang ako taga Borbon.
Wa magdugay sa akong pagtindog sa gawas sa boardng house, mihunong ang usa
ka sports car nga puwa. Miwara-wara sa kamot si Jonathan nako. Dali kong misulod sa awto ug milingkod sa front seat. Gigakos dayon ko ni Jonathan. Naghinagkanay mig kadyot sa lips. Ordinaryo na lang namo kining buhaton bisan naa mi sa lugar nga dunay mga tawo nga makakita namo.
Liberated woman ko. Ug si Jonathan naa ma-belong sa mga lalaki nga modernog hunahuna, nga gustong dunay freedom sa kinabuhi. In short, kompatibol mi si Jonathan. Kami gyud ang angay sa usag-usa.
“Shall we go?” Nagpangidhat si Jonathan nako samtang gitrapohan ko sa
akong palad ang nabasa kong mga ngabil human mi maghagkanay ug ang akong boyfriend.
“Sure!” Mikidhat sab ko kang Jonathan.
Kusog nga gipadagan ni Jonathan ang iyang sports car. Midiretso mi sa lugar nga among gikasabotan. Usa ka beach resort sa Lapulapu City. Mi-chek-in mig hotel, siyempre usa ka aircon nga kuwarto ang among gikuha. Gigakos dayon ko ni Jonathan. Dugay nga nagdapat ang among mga lips. Mikabyon ko sa liog sa akong boyfriend kay lihokan kaayo ang iyang kamot sa bisan asang dapit sa pribadong parte sa akong lawas.
Nakalit-ad ko ug gitulod kog
hinay si Jonathan. “Maligo pa ko.” “Dungan ta.”
Sa sulod sa banyo, parehas ming hubo si Jonathan nga nag-shower. Gihagkan niya ang akong liog, ang akong dughan, unya mipaubos pa gyud siya. Mipaubos ug mipaubos. “J-Jon!” Nakapiyong ko. Taudtaod ming naghayang si Jonathan sa paghigda sa kama sulod sa kuwarto. Unya mitakilid ko ug migakos sa akong boyfriend. Mao pay pagkahuman namog tagamtam sa katam-is sa ritwal sa gugma.
“Kanus-a ko nimo pakasli, Jon?” Mitan-aw og dugay si Jonathan nako. (SUMPAYAN)