WALHON MIPROTESTA.
Ang mga walhong grupo nagrali sa headquarters sa Police Regional Office (PRO) 7 sa Osmeña Boulevard, dakbayan sa Sugbo kagahapon sa buntag, Lunes, Pebrero 25, atol sa 33rd anniversary sa Edsa People Power 1, nasuko sa kusog kaayong musika nga “Voltes 5” gikan sa kampo nga nakatabon sa ilang programa.
Gate sa Police Regional Office (PRO)7 gitay-og kay pugos mosud ang mga raliyesta sa kapungot nga dili sila magdungog gumikan sa kakusog sa tukar nga Voltes 5 diha sa kampo atol sa paghandum sa ika-33 nga anibersaryo sa Edsa People Power Revolution kagahapon, Lunes, Pebrero 25.
Nagprotesta ang nagkadaiyang militanteng grupo batok sa administrasyong Duterte mahitungod sa Executive Order
70 o ang paghulma og National Task Force aron pagsumpo sa armed conflict tali sa mga komunista ug ang ilang pagsupak sa Memorandum Order 32 kon ang pagpalig-on sa guidelines alang sa militar aron mapakgang ang lawless violence.
Nisuway usab sila ug babag sa mga sakyanan nga mogawas gikan sa PRO 7, gilangkat ang streamers sa PNP ug niguba sa boom barrier tungod sa kasuko nga ang kapolisan nagpatukar ug kusog nga musika samtang sila nagprotesta.
Si Phoebe Sanchez sa Karapatan Central Visayas nagkanayon nga giguba sa kapolisan ang ilang programa pinaagi sa pagpakusog sa sound system diha sa kampo. “Ilang ilubong ang programa pinaagi sa sipa kaayo nga sound system. Bastos sila. We were offended. The spirit of Edsa is violated,” matod pa niya. Aduna silay tarpulin nga adunay hulagway ni Presidente Rodrigo Duterte nga ilang giyatakyatakan ug gibunal-bunalan. “Wag sila manira ng property. Kung manira sila ng property, huhulin namin sila. Ganon lang ka simple. Pwede naman sila mag rally, pinapayagan naman sila mag rally wag lang sila manira.” matod pa ni Senior Supt. Oliver Lee, regional chief sa directoral staff.
Samtang si PSupt. Pedrillo Villamor, chief regional headquarters, nga ilang pasakaan nila og kaso ang mga raliyista nga apan tan-awon usa nila kinsa ang nagbuhat sa pag-guba sa mga ilang mga kabtangan pinaagi sa pag-review sa kuha sa video aron masuta kinsa ang angayan nilang dakpon.
Matod pa sa opisyal nga wa sila maghatag og permit aron makapahigayon og rally apan ila lang kining gitugtan sanglit selebrasyon man sa EDSA. “We’ll be talking to them and have a dialogue to them. Wag na nilang gawin. We’ll investigate first sa damages nga ilang gihimo and we have CCTV. We’ll be talking to their leaders so that it will not be repeated,” nagkanayon si Villamor.
Mipasabot si Sanchez nga nagpahigayon sila og protesta aron ipahinumdom sa katawhan nga daghan na ang nangamatay sa administrasyon ni Duterte itandi sa administrasyong Marcos.
“Atong ipa-remind sa mga tawo nga sa panahon ni Marcos, 21 years gipatay ang demokrasya karon labaw pa sa patay, kay sa una namatay 3,740 lang pero karon over 35,000 ang gipatay sa administrasyon ni Duterte.” sigun pa ni Sanchez.
Hugtangong gipanghimakak sa habig sa raliyesta nga nangguba sila og kabtangan sa PRO 7.
“Walay property nga nadamage, giduot ra ang back up nila. Daghan kay motestigo against them. Daghan kayg mga tawo didto way naguba, igo ra sila kalampang kay bastos ang ilahang pag-atubang namo,” asoy ni Sanchez. / Jolissa Mae Taboada, USJ-R Intern