Mga gipangtuboy ni Duterte

Gipangtuboy ni Presidente Rodrigo Duterte ang pipila ka mga lokal nga kandidato sa iyang pagbisita sa Sugbo niadtong Dominggo, Pebrero 24, sa Plaza Independencia.

Nag-una si Cong. Gwendolyn Garcia, magpapili pagka-gobernador. Laing gituboy mao sila si Cebu City Vice Mayor Edgar Labella pagka-mayor ug si Michael Rama pagka bise mayor.

Gipang-isa usab niya ang mga kamot sa magpapili sa pagka-kongresista gikan sa Cebu City north ug south districts,

Richard Yap ug Jocelyn Pesquera ug tanan nga mga kongresista sa Probinsya sa Sugbo nga ubos sa One Cebu Party kansang national party alliance mao ang PDP Laban. Sama nalang sa mga igsuon ni Gwen nga si Nelson Garcia, kinsa magpapili sa 7th district, Pablo John Garcia sa tersero distrito, iyang son-in-law, Duke Frasco, alang sa cinco distrito, Talisay City Mayor Eduardo Gullas kinsa buot mobalik sa kongreso alang sa primero distrito, ug Lolypop Ouano-Dizon sa sixto distrito.

Anaa usab ang mamahimo nga bise gobernador ni Garcia, si Daphne Salimbangon.

Giisa usab ni Duterte sa mga kamot nila ni Cebu City Vice Mayor Edgardo Labella ug Michael Rama isip iyang mga kandidato sa mayor ug bise mayor sa Cebu City, ug magpapili sa pagka-konsehal, Antonio Cuenco.

Gawas sa pagpahulagway lang, giisa usab sa pangulo ang tuo nga kamot ni San Fernando Mayor Lakambini Reluya, gani nakig-estorya pa ang pangulo ngadto kang Reluya sa makadiyot sa stage./ FMD