RAPTORS NAPUKAN SA MAGIC

Nagpakatap og 28 puntos si Terrence Ross aron agakon ang Orlando Magic ngadto sa dakong kadaugan batok sa iyang kanhi team nga mao ang host Toronto Raptors, 113-98, kagahapon sa NBA. Ang Magic ningposte sa ikalima

nilang sunodsunod nga kadaugan ug hinayhinay na kining nakaposisyon alang sa inilugay og luna sa nialisngaw na’g sugod nga playoffs.

Ang kadaugan sa Magic batok sa lig-ong puwersa sa Raptors gilaumang makahatag kanila og dugang kadasig sa pagpa- sa ilang kampanya.

“This is the part of the season where you’ve got to move forward, no matter what,” matod ni Ross, kinsa gi-trade sa Raptors ngadto sa Magic niadtong 2017.

“You can’t let that determine how you start the next game. You’ve got to make sure that you’re ready to play.”

Si Nikola Vucevic nidugang og 23 puntos ug 12 rebounds alang sa Magic, nihatag og 16 puntos si Jonathan Isaac samtang niamot og 12 puntos si D.J. Augustin.

Nagkanayon si Vucecic nga matag higayon nga maayo ang duwa ni Ross, dakong bintaha ang ilang makuha bisan unsa pa ka lig-on ang ilang kaatbang. “He’s been great. When he scores for us like that, it just gives us a huge advantage,” matod ni Vucecic kabahin kang Ross.

Ang Raptors, kansang sunodsunod nga kadaugan naputol sa pito, gipangulohan ni Kyle Lowry pinaagi sa iyang 19 puntos ug 10 assists samang nitunol og 16 puntos si Marc Gasol.

“Just never really got in a rhythm,” batbat ni Raptors coach Nick Nurse. “They made some big shots every time we thought we were right where we needed to be.”

Ang Raptors ningkombati nga wala ang usa sa ilang labing sinaligan nga si kawhi Leonard, kinsa ilang gipapahuway.

Hinuon wala kini gihimong rason sa Raptors. “We just didn’t execute,” pasabot ni Lowry.