Ayaw mog balhin sa Lapu: Obon sa mga durugista

Nibahad ang kadagkuan sa Lapu-Lapu City Police Office LCPO sa mga durugistang adunay plano nga mobalhin og operate sa dakbayan sa Lapu-Lapu gumikan sa subsub nga kampanya sa ginadiling drugas sa mga dakbayan sa Sugbo ug Mandaue nga di na lang pagdayon niini.

Kini gumikan kay kon nagtuo ang mga durugista nga lugak ang kampanya sa kapulisan batok sa ginadiling drugas sa dakbayan, dakong sayop ang maong pagtuo.

Matod ni Police Colonel Limeul Obon,director sa LCPO, nga moangkon siya nga sukad sa iyang paglingkod, wa nay mga dagkong drug personality o drug group nga nag-operate sa dakbayan.

Mao ni hinungdan nga di usab ingon ana kadagko ang mga masikop sa ilang nagpadayong kampanya batok sa ginadiling drugas.

Usa kini sa posibleng rason nganong nagtuo ang mga dagkong drug personality sa ubang dapit nga sayon ang pag-operate sa ilang ilegal nga kalihukan sa dakbayan.

Butang nga nasayran sa tulo ka mga tinun-ang durugista nga taga dan Spolarium Brgy Duljo Fatima, dakbayan sa Sugbo nga nasikop sa kapulisan sa Lapu-Lapu niadtong mIaging Dominggo sa hapon nga dakong sayop ang ilang pagtuo.

Ang tulo nakuhaan og P2.4 milyones nga ginadiling drugas sa ilang posisyon.

Ang mga dinakpan nailhang sila si John Peppart Añalucas Beltran 21; Mhar Abarri, 21, ug usa ka 16-anyos nga menor de edad.

Ang tulo gitumbok usab nga mga high value target (HVT) sa kapulisan. Nakuha sa posisyon sa mga dinakpan ang lima ka mga putos sa gituohang shabu nga gibana-banang motimbang og 350 gramos, mokantidad og P2, 380,000 lakip na ang dul-an P3,000 nga gituohang halin sa ilang pagpamaligya og ginadiling drugas.

Nunot niini, posibleng daghan pang dagkong mga durugista ang mosunod sa tulo ka mga tinun-an nga mosuway og operate sa dakbayan adunay bahad si Obon batok kanila.

“Ang atoang warning anybdy who will try to attempt to hide in here ug ma-diskobre namo, they better get out of the city. They have to cross the bridge because if they insist in staying here, they might no longer cross the bridge back where they came from. We will apprehend them,” matod ni Obon.

Gawas sa tulo ka mga tinunan nga nasikop sa miaging Dominggo sa hapon, duha usab ka mga durugista nga pulos di lumad nga taga dakbayan ang napatay sa duha ka operasyon sa Marigondon Police station sa miaging semana.

“Mao lage they find it nga kuan they will try it to be employed here as their cover however murag nagmata. Even the barangay officials, we are united here nga to report kanang ingon-ana because we do not want nga mahimo nga haven diri. This is not a safe place for criminals and drug pushers,” dugang ni Obon. /