Kinsay protektor ni Baruk?

Daghang misaludo sa kaisog sa kapulisan sa liderato ni Brig. Gen. Debold Sinas, hepe sa Police Regional Office (PRO 7), ug Cebu City Police Office (CCPO) Chief Supt. Royina Garma, sa kampanya batok sa illegal nga drugas.

Gikan sa mga kinaubosan nga galamay sa drug lord nga si Franz Sabalones, ilang gigukod ug napatay human misukol.

Si Sabalones, nga taga lungsod sa San Fernando Cebu, ug gikontrolar ang kalihukan sa drugas sa southern part of Cebu, apil ug kapuhag ang pulitiko nga ilang koneksyon.

Sir Sinas, nakadawat ko’g mga reklamo ug pangutana ug di nalang nako tagsa tagsaon og mantala kay di mapaigo sa espasyo.

Matod nila ang napriso karon sa Cebu Provincial Detention and Rehabilitation Center (CPDRC) ang drug lord nga si Alvaro Alvaro Alyas Barok, dunay koneksyon sa mga pulis ug mga dagkong tawo sa siyudad sa Danao.

Sa ato pa, Sir, wa sila makontento sa trabaho sa mga pulis sa kampanya sa drugas sa Danao?

Usa sa ilang bug-at nga pangutana: Nganong wa man daw mo (PNP) mag-operate sa Danao, nga ania diri ang mga protektor?

Anaa koy mga pangan nga nadunggan ug lista pinaagi sa text messages. Apan na delete human nag ilis ko’g cellphone.

Dunay pulis opisyal nga nadistino na sa laing lugar ang giingon protector. Ang abogado nga gilambigit wa nako masayod kun asa na paingon.

Tinuod ba, General, nga ang kahimtang sa San Fernando?

Para nako trabaho na kanila ni Sinas, ang pagsuta kon unsa ka tinuod ang mga pasangil.

Matod pa nga si Barok sama ni Sabalones, nakapanag-iya og beach resort ug halapad ang operasyon niini sa drugas sa norte nga bahin sa Sugbo.

Gani ang anaa sa narcolist ni Presidente Rodrigo Duterte, atoa naman sa gawas sa nasud magtagotago, matod pa sa akong tinubdan.

Subay niini, tinuod ba ang kasayuran nga akong nakuha nga hinganlan sa presidente sa di madugay ang pangan sa pulitiko ug kanhi pulitiko?

Apan basi sa akong pagpanukiduki ang bag-ong hepe sa kapulisan sa Danao City mihimo man ug mga operasyon batok ilegal nga drugas ug sa mga tigama ug armas.

Tinood ba General nga ang misibat sa gawas sa nasud maoy koneksyon ni Kerwin Espinosa diha sa siyudad sa Danao?

Sa akong yanong pagsabot gusto sa mga reklamante nga ang pagpatay nga nahitabo sa San Fernando mao sab ang mahitabo sa Danao?

Pastilan! Nganong gusto man mo og pinatyanay nga naa may balaod nga atong gisubay? Email: efrenlonzon71@gmail.com Text:09235562777