Anakan lang

Dear Papa Joe,

Tawga lang ko sa ngalan nga Jenny, 26 years old. Usa ako ka double blade nga babaye ug may uyab ko ron nga babaye. Karon sa akong edad, nakahunahuna ko mag-unsa na ko if matiguwang na ko nga di man gyud ko makigminyo sa lalake. O tinuod double blade ko, pero mas dako akong akong side nga lakin-on. Babaye lang gyud ko tan awon ug mas tomboy pa gani akong uyab kay kanako.

Mao karon gusto na ko makaanak pero gusto ko foreigner ug di Pinoy. Karon naay Koreano nakagusto. Unya ambot ba nga mao na man ta ni, nahadlok na man hinuon ko kay wa ko masayod unsay buhaton nako isip babaye. Nitalaw naman hinuon ko, pero sige pa siyag hangyo nako. Gani nipadayag siya nako nga gusto ko niya.

Unsay buhaton nako? Palihug tambagi ko.

JENNY Jenny,

Imo man na kagustuhan. Ug kon gusto ka, naay katumanan imong plano, mao nay giingon nga atubanga na kay di man ka mamabdos og magtinan away lang mo. Ang problema lang og kon makauyon na hinuon ka ug ma develop ka sa Korean ug maguba na hinuon imong relasyon sa imong uyab,o ba kaha defense lang na nimo kay sa tinud-anay babaye ka pero taas ka og standard. To discourage sa mga Pinoy mao nagpakatibo ka.

Again, kon gusto nimo na, grab it kay naa nay foreigner nga nihagad na nimo. Kon nahadlok ka, ayaw padayuna. Timan-i, imo nang kagustuhan so ikaw ang magbuot. Daghang salamat.

PAPA JOE

(sa inyong tampo ipadala sa papajoesuperb@gmail. com)