ARI NA TA SA ISIDRA
Usa ka ba kaha sa mga tawo nga kon wa giiisip nga reward sa kaugalingon ang pagkaon, comfort sab kini? Mao kini ang tema sa usa ka kan-anan sa dakbayan sa Mandaue diin dili lang Cebuano dish ang imong matilawan apan lakip na usab ang ubang nagunang lami nga pagkaon sa ubang rehiyon sa nasod.
Ang Isidra Comfort Cantina, nahimutang sa North Park, U.N. Avenue eskina Plaridel sa dakbayan sa Mandaue, (dapit sa Maayo Medical Clinic) tuyuon gyud og bisita aron mokaon sa dili lang malamian apan sa maong kan-anan ra nimo matilawan.
Si Lor Torres, kinsa chef ug usa sa tag-iya sa Isidra, nakahuna-huna sa konsepto nga mag-negosyo og kan-anan tungod sa iyahang lola.
Iyahang lola mao si Isidra ug kay nakat-on siya og luto gikan niini iyaha kining gipanganlan ang kan-anan sa iyahang lola.
Gikan sa sikat nga eggplant chips, monggos with dilis, gising gising, blackened chicken ngadto sa sikat nga Pastil ala Dadiangas sa General Santos City, mamahimo kini nimong makaon sa Isidra.
Matod ni Chef Lor, gusto nila nga sa ilahang restaurant, sagad sa pagkaon niini “comforting.” Anaa na sa ikalimang tuig ang Isidra nga kaniadto nahimutang dapit sa Capitol sa Cebu City. Oopsss, wait! There’s more, comfort gani, mapalit usab sa
Isidra ang childhood favorite sa tanan, ang Skrambol!
Abli ang Isidra Lunes ngadto sa Biyernes, 11 a.m.-10 p.m. Pwede pud ka magpa-deliver pinaagi sa GrabFood PH. /