MIPUGA NGA KAPITAN ANG KILLER?

GUNMAN SAMA KANG MERCADER, GIINGONG HITMAN SA KURATONG, DUNAY PATIK SA LIOG

Wa gisalikway sa Mandaue City Police Office ang posibilidad nga ang usa ka pulis nga absent without official leave (Awol) nga gidudahan nga hinigugma sa ‘shabu queen’ nga si Jocelyn Encila ang posible nga likud sa kamatayon ni Janelyn ‘Jen’ Encila, manghud ni Joy.

Apan giangkon ni Mandaue City Police Office Director Sr. Supt. Julian Entoma nga naguna nila nga gisubay nga ang nieskapo sa prisuhan sa Medellin, nga niangkon nga hitman ug kanhi barangay kapitan sa Lugo, Borbon, nga si Jinnifer ‘Iper’ Mercader, ang killer.

Gilambigit si Mercader sa Kuratong Baleleng isip usa sa mga hitmen.

Sa pakisusi sa kapulisan, gitug-an ni Entoma sa Superbalita Cebu nga adunay nakakita sa nipusil-patay kang Janelyn niadtong Miyerkules sa gabii, Marso 6, nga adunay patik ang liog niini.

Si Mercader dunay patik sa tibuok lawas, lahos na sa liog.

Ilang ipakita ngadto sa mga saksi ang hulagway ni Mercader, ilabi na ang barug sa lawas niini.

Dugang kasayuran nga nadawat sa MCPO, nga gawas sa motorsiklo, giingong adunay

sports utility vehicle (SUV) nga dali usab nisibat human sa pagpamusil kang Janelyn sa sitio Caimito, Barangay Labogon, dakbayan sa Mandaue.

Si Mercader giingong nagsakay og Nissan Navarra nga

orange sa iyang pag-eskapo. Nisamot ang pagduda sa MCPO nga Kuratong ang likod sa kamatayon sa usa sa mga Encila sisters, human nakadawat sila og taho gikan sa ilang

counterpart sa intelligence gathering sa Ozamis City nga

giingon ‘sighted’ si Mercader sa Ozamis City.

Gipasuta pa lang nila kon kanus-a niabot si Mercader sa lugar aron usab pagtugma kon siya ba ang nipatay kang Janelyn.

“Kon si Mercader gyud, posible nga test mission niya si Jen. Ug gipaeskapo, gigastuhan gyud siya sa Ozamis

group aron lang makaeskapo. Naa tay report na-receive nga pag-Myerkules, sighted ni ang usa ka lalake nga adunay patik ang liog diha sa barangay Labogon. Mao na ato pa ipakita nila ang mga pictures ni Mercader kon mao ba ang barug ug mao ba nga patik

(tattoo) sa liog niini,” tug-an ni Entoma sa Superbalita Cebu.

Nakaeskapo sa Medellin District Jail si Mercader niadtong Martes sa alas 7 sa gabii, Marso 5.

Giangkon usab ni Entoma nga ila usab gisubay ang laing anggulo sa kamatayon ni Janelyn nga posibleng likud niini ang pulis nga gipangita sa Police Regional Office 7, nga giingon nga nag-Awol human masikop si Jocelyn.

Matod ni Entoma nga sa ilang informant ang ilang nahibaw-an nga ang kanunay makoyug ni Joy, ug maoy tig-drive sa sakyanan, usa ka ex-police.

Ila kini gisusi usab karon kon ang giingon nga kanhi pulis ug ang nag-awol nga police mao ra.

“Basin ang kining giingon sa among informant nga expolice nga pirme koyug ni Joy ug kanang nag-AWOL nga

police sa PRO-7, usa ra, ang i-describe man gud kay ang tupi), mao daw sa pulis. Mao sad unta atong ipaubos unta sa buy bust o search warrant, ma-pulis o ex-pulis man ni. Mao ni siya ang giingon nga dili makasud sa balay kon gabii, kon mosulod daw sa balay ni Joy sa Consolacion, i-off ni Joy ang ila CCTV aron dili ma-monitor ni Ygot (Rusticu Ygot, drug lord nga kanhi kapuyo ni Joy, kinsa anaa na sa New Bilibid Prison), nya ingnon lang daw si Ygot nga nag-brownout,” tug-an ni Entoma. /