Gabon mitikyop sa San Fernando

Matag sayo sa buntag inigmata ko ning panahuna sugaton ko sa gabon nga nagbitay di layo ibabaw sa mga atop sa kabalayan sa kasingalanan.

Ako naglagot nga nakasabot. Sa tibuok kalibutan ang San Fernando maoray lungsod nga may duha ka mga planta sa semento. Gatusan ka libo ka mga sako ang galingon kada kwarter.

Magbusing-ot ang langit linugdangan sa itom nga aso nga ibulhot sa mga panghaw. Gitabangan, gipaluhod pa ang South Poblacion ug silingang mga baryo sa abog.

Asa ang ilang dust-control ug anti-pollution device? Gipasagdan na lang ni sa DENR. Daw wa na manginlabot nga unta ila man ning katungdanan sa paglimpyo sa hangin ug kalikupan.

Ang dakong piggery sa Magtalisay nga gianggaag “Baryo Baho” gisirhan. Ang South Poblacion hapit na nganlig, “Baryo Katol” tungod sa nagbuylong abog.

Kanus-a nila sirhi kining duha ka planta. Nakasabot ko nga lisod ni mahimo. Seguro, naghuwat ni kang Pamuno Duterte nga maoy mangunay pagsira niini.

Samtang maghuwat pa kang Digong, hingos lang una ang katawhan sa abog mangaliya lang nga mukubol ang baga aron di dutlan sa sakit nga kuyaw.

Apan adunay laing gabon nga di makita kay anaa sa kuba sa dughan. Kini ang gabon sa kalisang sa katawhan sa San Fernndo tungod sa pagpagawas sa 2nd Kill List.

Kinsay di mokurog lima na gud ang sunod-sunod nga pagpatay. Pulos mga konsehal. Giluwas si Mayor Reluya sa kahitas-an sa pagbanhig nga nahitabo.

Husto ang gihimo sa konseho sa lungsod nga ilang giduso sa kapulisan ang pagsikop kon si kinsa ning nagpagawas sa Kill

List. Trabaho ni sa kapulisan pagpakaylap sa kalinaw.

Kay sila karon sa imbestigasyo ra gyud kutob. Nakasabot ta nga lisod sikupon ang mga kriminal tungod sa matang sa pagpatay. Pinaagi sa hitmen.

Unsa gyud ang motibo sa pagpatay? Sila igo lang moingon nga drug-related, politically motivated o kaha personal grudge lamang. Mosamot ang kakuyaw nga maigo ta sa

cross-fire.