Spelling sa middle name sa anak sayop

Dear Atty. Joan,

Ako si Rody. Kasado ko ug gihatagan sad mi sa akong asawa og usa ka anak. Karon padung na ang among anak nga moeskwela unya nabantay namo nga sayop ang spelling sa middle name sa akong anak.

Ang nakabutang kay “MOLINA” pero ang saktong middle name kay “MOLENA”. Sayop ang letrang “I”. Unsa man among pwedeng buhaton para masakto ni? Salamat

Rody

Dear Rody, Kaning sayopa sa spelling sa middle name sa imong anak kay matawag nato nga usa ka “clerical error”, o naa ray sayop sa pagkasuwat. Dili dyud sayop ang apelyedo nga nabutang. Kay tungod nga usa ra siya ka “clerical error” o sayop ang spelling, pwede ra ni ipasakto sa pagfile og “petition for correction of clerical error” nga nabutang sa atong balaod nga mao ang Republic Act 9048.

Ang kaning petisyon kay mahimo ra ninyo ma-file ngadto sa opisina sa Local Civil Registry Office kung asa na rehistro ang pagkataw sa inyong anak. Kung ningbalhin namo og lugar unya maglisod namo og adto kung asa na rehistro ang inyong anak kay pwede ra sad ngadto mo sa Civil Registry Office kung asa mo nagpuyo.

Pagdala lang mo daan og mga documento nga nagsupporta sa inyong petisyon. Aduna kini bayranan nga nagkantidad og P1,000 para sa filing fee.

Hinaot nga kining tambag nakatabang kanimo.

Atty. Joan

Pahibalo: Kini opinyon lamang nga nagbase sa inyong lakbit-saysay ug kini pwede mausab kun dugang pa nga mapatin-awan ang mga detalye. Kon dunay kamoy mga pangutana nga adunay kalabutan sa katungod sa mga bata, mahimo mo-message sa Facebook account sa CLB.