Mike ‘nahatagan og hustisya’

Justice delayed, justice served.

Kini ang paghulagway sa mga kaalyado ni kanhi mayor Michael Rama human ginganlan ni Presodente Rodrigo Duterte ang mga opisyal nga naa sa ‘narcolist,’ apan wa na siya maapil.

Si Bise Mayor Edgardo Labella, standard bearer sa Barug PDP-Laban pagka-mayor sa dakbayan sa Sugbo, nihulagway nga bisan kon nalangay ang hustisya bahin sa pasangil batok sa iyang running mate, apan naangkon ra gihapon kini.

“We are happy that the truth has come out albeit late. All the while even at the very outset, we believe in his innocence that he was never, never never involved in any drug related activities,” padayag ni Labella.

Ang bise mayor niingon nga niadtong 1998 dihang una silang nagkauban ni Rama, wa siyay bisan gamay nga pagduda sa pagkatawo sa kanhi mayor kinsa mao sab ang nipili kaniya nga running mate niadtong 2010 ug 2013.

SUPORTA SA KA-PARTIDO

Gihangop sa mga alyado ni Rama ang ilang gihulagway nga kadaugan batok sa pasangil sa ilang kaatbang sa pulitika.

Si Konsehal Joel Garganera, chairman sa Police Advisory Council ( PAC), nagkanayon nakab-ot ra ang hustisya.

“Justice delayed, justice served. We are very sure man gyud nga he is not among those who were accused of being a drug protector. Naa lang gyuy mga remnant sa Liberal (party) nga PNP. Even during the Liberal time, they are pursuing that angle,” padayag ni Garganera

“I saw it coming. The fact that the President endorsed Mike Rama in the PDP rally was a prelude to his non inclusion in the narco list. It just shows that the President was misinformed and got his wrong information from agencies who were still at that time influenced by the Liberal Party," dason ni Konsehal Raymond Garcia.