DUMOT NGA SANGKA
Mga duwa karon 4:30 pm- NLEX
batok Blackwater 6:45 pm- Ginebra
batok Magnolia
Gilauman ang usa ka mainitong engkuwentro sa panagtagbo sa Brgy. Ginebra Gin Kings ug Magnolia Ang Pambansang Manok Hotshots sa main game karong gabii sa Philippine Basketball Association (PBA) Philippine Cup sa Araneta Coliseum.
Gawas sa garbo, ang duha ka mga kampo pulos nagtinguhang makabaton og maayong posisyon sa nagkaduol nga playoffs.
Ang Gin Kings kasamtangang naa sa ikalimang dapit dala ang 4-3 nga rekord samtang ang Hotshots naa sa ikaunom nga adunay 3-4 nga baraha.
Alang sa Gin Kings, nakahatag kanila og dugang kadasig ang ilang tinguhang makabawos sa ilang kapakyasan batok sa Hotshots sa semi-finals sa miaging Governor’s Cup.
“This will be our first game with Magnolia since they knocked us out of the semis last conference. So it’s a game we’ve been looking forward to. We know this will be a great battle,” matod ni Ginebra coach Tim Cone sa PBA.PH.
Nasayod ang Hotshots nga adunay pagdumot ang Gin Kings ngadto kaniya hinungdan nga ilahang gipangandaman og insakto ang ilang panagsangka og balik.
“We know that Barangay Ginebra is very hungry at this point especially because of what happened in our last clash. But both teams are properly motivated, at tamang-tama na nakakuha na uli kami ng rhythm,” matod ni Magnolia coach Chito Victolero.
“Maganda ang matchup at malamang na maganda ang laban.”
Sa premirong duwa, magkombati ang NLEX Road Warriors ug Blackwater Elite.
Ang Road Warriors naghupot og 3-5 nga rekord ug kasamtangan kining nakigbahin sa Alaska Aces sa ikawalong dapit.
Sa ilang bahin, ang Elite nagbitay sa ika-12 ug labing ilawom nga bahin nga naghupot og 2-7 nga rekord.
Ang mopatigbabaw nga walo human sa elimination round mao ang makasaka sa playoffs.