Mga kandidato, 500 ka supporter sa HNP mihimo og campaign caravan sa lalawigan sa Sugbo
Dul-an 500 ka mga supporter ang nikuyog sa gipahigayon nga campaign caravan sa grupo nga Hugpong ng Pagbabago sa siyudad sa Mandaue niadtong Dominggo, Marso 17.
Ilang gilibot ang tibuok lungsod aron mangampanya alang sa umaabot na eleksyon.
Gilangkoban kini sa nagkalain-lain nga supporters, mga Duterte riders, mga grupo nga nangampanya alang ni Presidente Rodrigo Duterte niadtong miaging 2016 presidential elections ug partymates sa HNP ang maong campaign caravan.
Nagsugod ang rota niini sa Mandani Bay sa Zuellig Avenue sa maong dakbayan ug gituyok ang amihanan, kasadpan ug silangan nga parte sa Mandaue.
Ang mga tawo nga nakakita sa campaign caravan nagbayaw-bayaw sa ilang mga kamot.
Si Mandaue Vice Mayor Carlo Fortuna, kinsa modagan ug magpapili og balik isip bise mayor sa maong grupo, niingon nga ila lang gisunod ang ilang estratehiya niadtong eleksyon 2016.
“Duplicating the same strategy before pag 2016. Ang magkuyog-kuyog ra jud sa whole cities, whole municipalities kay mga supporters ra jud bitaw. We're doing the same thing also," saysay niya.
Dugang usab niya nga aduna silay ipahigayon nga rally karong umaabot nga Huwebes, Marso 21 sa Mandaue Cultural and Sports Center. Tambongan kini sa mga nagkalain-lain nga mga senador ug mga kandidato sa maong grupo sa Visayas ug Mindanao.
Lakip sa mga lugar nga ilang giagian mao ang Canduman, Jagobao, Umapad, Paknaan, Cabancalan ug Maguikay.
Niapil usab sa maong campaign caravan ang mga supporter ni Bong Go ug Cynthia Villar kinsa pulos modagan sa pagka senador karong umaabot na eleksyon.
We expect to fill the sports complex. We’re also expecting more and more people joining. The HNP turn up to be one of the strongest parties coming out now in the senatorial election,”
- Mandaue Vice Mayor Carlo Fortuna