Pacquiao paretiruhon ni Spence

Human sa iyang dominasyon batok kang Mexican Mikey Garcia, gituohan nga mao na kini ang panahon ni American Errol Spence Jr. nga mag-ugbok og gingharian sa boksing sa kalibutan.

Miretiro na si American Floyd Mayweather Jr. unya hapit na sab mosunod si Filipino legend Manny Pacquiao.

Hinuon bisan naa na siya sa

tumoy sa iyang boxing career, si Pacquiao makonsiderar gihapon nga usa ka dakong babag sa paghari ni Spence.

Nagkanayon si Spence nga aron mahawan ang dalan sa iyang paghari sa boksing, gusto niya nga siya mismo ang magparetiro sa Pambansang Kamao sa Pilipinas.

“Manny Pacquiao, he’s blood and guts. So that’ll definitely be a great fight. He’s a future

Hall-of-Famer, and he’s on his way out. And I’ll definitely give him that retirement check that

he been needing,” matod ni Spence sa interbyu sa www. boxingscene.com.

Human niya gidispatsar si Garcia niadtong Dominggo sa Texas, USA, personal nga gihagit ni Spence si Pacquiao, kinsa usa sa bantugang mga boksidor nga mingsaksi sa away.

Tuod man gidawat ni Pacquiao ang hagit ni Spence.

Kon madayon man gani ang Pacquiao-Spence bout, gituohan nga ipahigayon kini karong Hulyo gumikan kay ning mga panahuna, wala’y trabaho si Pacquiao isip usa ka senador. Gipasabot nang daan ni Spence nga andam siyang makigbatok sa 8-division

world champion bisan kanus-a ug bisan asa.