Mr. & Ms. NEASPC 2019 winners
Ang lungsod sa Cordova nagsilbing host sa karong tuiga nga interschool pageant nga Mister and Miss Northeast Press Conference (NEASPC) 2019, diin matag tunghaan sa amihanan ug silangang bahin sa Sugbo adunay representante nga magtigi sa maong titulo.
Ang maong tinuig nga Mr. and Ms. NEASPC gihimo aron magpili og ambassador of journalism diin ilang hatagan og kinabuhi ug magsilbi nga sumbanan sa matag tinunan, lakip na nga mapalawman ang kahibawo sa natad journalism.
Ang 16 anyos nga pambato sa God’s Talent Northeast Academy, Liloan, Cebu nga si Kiora Stroobants maoy nigawas nga mananaog tali sa laing walo ka mga kandidata.
Samtang ang Grade 11 sa Cordova Catholic Cooperative School (CCCS) nga si MJ Maneja maoy winner sa male category tali sa laing unom ka candidates.
Matod pa sa 5’3 tall nga si Stroobants nga ang Ms. NEASPC maoy ikatulong pageant nga iyang giapilan diin sa katapusan midaog na gyud siya sa maong title.
“I actually dream of becoming a journalist someday. I would like to inspire and make people aware what is going behind everything,” tipik sa pamahayag ni Stroobants sa dihang nahinabi sa Superbalita Cebu.
Ang Humanities and Social Sciences (HUMSS) Strand student nga si Maneja sa iyang bahin, mipaambit nga taliwala sa kakuwang sa motivation nga iyang gibati samtang nagkaduol ang kompetisyon, iyang gipaningkamutan nga mahatagan og hustisya ilabi na nga iyang gidala sa dungog sa CCCS.
Ania ang runners-up: 1st runners up - Ma. Angelie Gito, (CCCS) ug E.G. Melou Sumagang (Cordova National High School); 2nd runners up – Riza Pamada (AMNHS) ug Samuel Headycote (GT Northeast Academy); 3rd runners up – Shiaang mayne Pantaka (San Roque College de Cebu) ug John Gabriel Navarro (AMNHS); 4th runners up – Alexa Adorfo (SRCDC) ug Matthew Ethan Israel (SRCDC).
Gipahigayon ang naasoyng pageant niadtong Nobiyembre 7 sa Cordova Sports and Cultural Center ubos sa pagdumala sa program director nga si Jessie Nunez.