BALAY SA PULIS GILUNGKAB; SCOOTER, PISTOLA, P250K NADALA

Lavezares, Northern Samar - Balay sa usa ka pulis ning lungsod gisulod og kawatan sa Martes alas 2 sa hapon, Nobiyembre 26, 2019.

Si Police Master Sergeant Michelle Ebdane, sakop sa Lavezares Police, nangayo og pakitabang sa iyang mga kauban.

Kini human nadiskubrehan niya nga gisud og kawatan ang iyang pinuy-anan samtang way tawo nga nahabilin.

Ang kapulisan sa Lavezares pinangulohan ni Police Chief Master Sergeant Vic Camposan dali nga miresponde sa lugar.

Nakita sa kapulisan nga gi pwersa pagsulod ang balay sa mga Ebdane nga nahimutang sa Barangay Cataogan ning lungsod.

Ilang nakita nga guba na ang padlock ug nabuak ang bintana sa likod sa balay nga maoy giagian sa suspek.

Nakita usab sa kapulisan nga nangaguba ang mga gamit sud sa balay ug pipila ka mga gamit ang nangawala.

Matod sa kapulisan nga nakuha sa suspek ang usa ka Honda Click 150 color gray nga wa pay plaka, cash nga P250,000 ug usa ka kalibre .45 nga pistola nga iya sa bana nga si Isagani Ebdane, kanhi pulis.

Dunay nakakita sa giingon nga nidala sa scooter hinungdan nga nailhan kining si Roel Francial, 23, taga Barangay Villa sa samang lungsod.

Niini, gilunsad sa kapulisan ang usa ka hot pursuit

operation nga miresulta sa pagkasikop ni Francial sa Sitio Feder, Barangay Caburihan ning lungsod.

Narekober sa kapulisan ang motorsiklo apan pangitaon pa ang ubang gamit nga nakawat sama sa scooter ug kwarta.

Sa pagsuwat ning taho padayon pang giimbestigar si Francial.

Wa pa kini mosulti hain ang kwarta nga giingong iyang nadala. /