GULLAS 'NANGASABA' SA TAGA MCWD KAY ‘GIPAASA'

Mayor sa dakbayan sa Talisay, Gerald Anthony Gullas Jr., nangasaba sa kadagkuan sa Metro Cebu Water District, Huwebes sa buntag, Disyembre 5.

Kini human nga wa tungaha bisan usa nga taga MCWD ang gikasabutan na nga meeting sa kadagkuan sa MCWD ug sa naumol nga Talisay Water Management Council (TWMC), Miyerkules sa hapon, Disyembre 4. Si Gullas ni-post sa iyang social media Miyerkules sa gabii sa iyang kasagmuyo ngadto sa MCWD.

“I was supposed to meet the officials of MCWD today for our first meeting with the newly-created Talisay Water Management Council to discuss issues concerning the dwindling water supply in our barangays,” tipik sa pamahayag sa mayor.

“But unfortunately, no one from MCWD appeared in our meeting and I was just informed that the MCWD officials I was supposed to be meeting decided to take a vacation in Singapore

and Japan. Gipahuwat pa tag pila ka oras and wala pa gyud sila misulti nga mibakasyon sila sa mismong adlaw nga gisabotan namo. Where is the professional

courtesy?,”dugang ni Gullas. Dili lang ang mayor ang nagpaabot, lakip ang tibuok konseho ug ang 22 ka mga kapitan ug mga department head sa Talisay City hall.

Huwebes sa buntag, nituyo sa iyang buhatan ang kadagkuan sa MCWD, pinanguluhan sa ilang acting manager, Stephen Yee.

Sa interview sa mga sakop sa media ngadto kang Gullas, nibutyag siya nga dismayado siya, sa susama’g walay respeto ug pagpakabana.

“Ako lang, we have to cite certain issues, like walay agas, naay bayad, kon naa man agas alas 3 ngadto sa 5 sa kaadlawon in certain areas ang uban wala gyud agas. First of all, they need to invest in the City of Talisay who is their main supplier of water, for so long wala gyud sila nagpakabana ini,” dugang sa mayor.

MISCOMMUNICATION

Si Charmaine Kara, tigpamaba sa MCWD, nitug-an nga adunay nahitabo nga miscommunication kanila sa MCWD, hinungdan nga personal sila nga nangayo og pasaylo ngadto sa mayor.

Samtang gitug-an usab ni Kara nga ilang susihon ang availability sa distribution line sa dakbayan sa Talisay, kon aduna bay mga lugar nga angay na ilisan og bag-o nga linya sa tubig.

Siya niklaro nga niuna sila karon sa preparasyon alang sa ting-init.

“Ang ato lang gyud giuna karon is ang preparation for

summer. Ang Jaclupan man gud usa ni siya sa mga surface

water sources nato nga maapektuhan sa dry spell. So, duna tay gi-develop karon nga duha ka wells in different areas in Talisay. Mao ni siya ang atong i-augment sa mawala nga volume. So in this case amo lang message ani is we are doing something nga kon mawala ang supply sa Jaclupan, naa tay i-augment nga supply, para dili sad grabe ang inconvenience sa atong mga consumer sa Talisay City,” pagpasabot ni Kara.

Samtang giangkon ni Kara nga aduna silay gihimo nga pagtuon karon nga kadtong mga zero consumption kun nakasinati og walay pag-agas, ang dili na pabayron sa minimum service charge.

Nagkinahanglan pa kini og pagtugot sa Local Water Utility Administration (LWUA).

“Kini man gud water bill sa MCWD, tariff ni siya. Kon tariff, duna kay flagdown rate, P152 per month. Mao na siyay minimum service fee. Bayran gyud na siya, whether ni-consume kag zero up to 10 cubic meters per month. Gi-studiohan nato ang nag-zero consumption, ato i-waive starting summer this year, if pwede ba nato i-waive ang minimum

service charge, or i-per cubic meter nato kon 5 ra ang na-consume, 5 cubic meter ra sad gyud ang bayran. Mao na gistudyohan nga scheme, nya paaprubahan sa LWUA which is the approving authorities sa atong water rates,”pagpasabot ni Kara. /