GIANNIS, BUCKS MIDAOG NA SAB

Padayon nga nagbangis si Giannis Antetokounmpo ug ang Milwaukee Bucks sa ilang gipanglampornas ang host Detriot Pistons, 127103, aron isaka ang ilang sunodsunod nga kadaugan ngadto sa 13 sa National Basketball Association (NBA) kagahapon.

Si Antetokounmpo, kinsa maoy kasamtangang MVP, nagpauwan og 35 puntos aron pangulohan ang kadaugan nga nagpasaka sa rekord sa Bucks ngadto sa 19-3.

Sikit ang kombati sa 1st quarter apan nakamaneho ang Bucks sa pag-alkontra sa grabe ka pisikal nga duwa sa Pistons aron pagposte og 5948 nga labaw sa halftime.

“They’re just a great defensive team and just play really physical,” matod ni Antetokounmpo. “They want to be physical, they want to be dirty. They want you to get out of your game, and whenever you come in Detroit, you expect that.”

Nagkanayon si Antetokounmpo nga nasayod siyang daghan pa siyang maagian nga mga duwa diin pisikalon siya’g maayo sa depensa sa kontra apan dili siya moatras niini.

“There’s going to be a lot of teams that are going to come out and try to be physical with me — try to hit me, knock me down to the floor. I just got to keep my composure,” batbat ni Antetokounmpo.

Adunay unom ka technical fouls ang natawag ning maong kombati ug adunay duha ka mga higayon nga naglinabaya’y og mahait nga mga pulong ang duha ka mga kampo.

Ang unang higayon naglambigit nila ni Antetokounmpo ug sa beteranong pambato sa Pistons nga si Blake Griffin human nagkabangga ang duha ka mga magduduwa sa 2nd quarter.

“That’s going to happen. In a competitive game, it’s going to happen,” batbat ni Pistons coach Dwane Casey.

“If anything, that should get you more focused, more riled up, more ready to play, more ready to compete and more ready to be physical and finish at the rim. All those things you have to do in a competitive game like that, a physical game like that.”

Ang Pistons, nga natagak sa 8-14 nga rekord, gipangulohan ni Andre Drummond pinaagi sa iyang 23 puntos ug 14 rebounds.

Sa laing bahin, ang usa sa mga gikahadlukang puwersa sa season nga mao ang Los Angeles Lakers ningmakmak sa Utah Jazz, 121-96.

Gipangulohan ni Anthony Davis ang kadaugan pinaagi sa iyang 26 puntos samtang nihatag og 20 puntos si 4-time MVP LeBron James.

Ang Lakers ningsaka sa 19-3 nga rekord samtang ang Jazz nahagbong sa 12-10 nga baraha.

Nangulo sa Jazz mao nsi Donovan Mitchell pinaagi sa iyang 29 puntos samtang niamot og 23 puntos si Bojan Bogdanovic.

/ AP PHOTO ■ 13 KA SAGUNSON: Giprotektahan ni Detroit Pistons forward Blake Griffin ang bola ning aktuha gikan sa depensa ni Milwaukee Bucks forward Giannis Antetokounmpo (34) sa usa sa mga aksyon sa NBA kagahapon. Ningdaog na sab ang Bucks ning duwaa aron inaton ang ilang sunodsunod nga kadaugan ngadto sa 13 nga nagpasaka sa ilang rekord ngadto sa 19-3.