Love is not enough
Gihunahuna ko pagayo kon nahigugma ba gyud si Matteo nako. Grabe man gud siya kaseluso. Apan kanunay niya isulti nako nga love gyud ko niya.
“You know, Matteo, natuok na gyud ko aning imong pagka abubhoan. Morag ang imong kaugalingon lang ang imong gitan-aw. Wa ka maghunahuna kon gisakitan ba ko sa imong mga pagduda nako.”
“Pasensiya, Jean, nga ingon ko ani. Unsaon man gud dako kaayo ang pagmahal ko nimo. Di ko gusto nga dunay moilog nimo diri nako.”
Na, kahilakon si Matteo. Mao ra gyud ni ang iyang daganan aron mawala ang kahiubos ko niya. Modayon siyag paluoy-luoy nako. Mawala man sab nuon ang di maayon g pagbati ko niya. Love man sab nako si Matteo.
“Kalimtan na lang nato ni, Mat. Hangyo lang nako, hinay-hinay lang anang imong pagpangabubho nako.”
Mitando si Matteo. Iyang gipisil ang akong kamot. Nahikatawa na lang ko kay nagsige siyag pangidhat nako.
Gihatod ko sa akong boyfriend sa akong classroom. Sa wa pa ko mosulod, iyang gikuptan ang akong kamot. “Sorry, ha, Jean.” Gikusi kog hinay ang kilid ni Matteo. Dayon kog smile niya.
Anang pagka hapon, nagkuyog mi si Matteo sa pagpanggawas sa canteen. Nag-esnak mi sa fast food. Malipayon si Matteo. Kanunay siyang nagpahiyom nako.
“I love you, Jean.” Nakapanglingo na lang ko. Natugkad nako nga gimahal gyud ko sa akong boyfriend. Buotan man siya. Caring nako. Sweet nako. Apan ang iyang pagka abubhoan lang gyud nako ang wa nako magustohi. Apan tungod kay love sab siya nako, kanunay na lang ko mosabot sa mao niyang kinaiya.
Human sa among pagesnak, nana-aw mig sine. Kanunay na ming manan-aw og sine apan igo lang ming maghagkanay sa lips. Wa nay lain kay di man ko gusto nga manghikap si Matteo sa akong lawas.
Paggawas namo sa sinehan, nakugang ko kay dunay misangpit nako. Pagtan-aw ko pa, si Abraham diay, ang akong klasmet sa hayiskol ug nangulitawo nako. Binata ra man ang among sitwasyon. Morag puppy love lang. Gisugot ko si Abraham apan wa sa akong hunahuna nga boyfriend gyud nako siya.
Wa mi magkabuwag kay human sa among graduation sa hayiskol, wa na man mi magkita ug wa na sab mi communication.