3-1, TUYO SA GINS
Mosuway pagposte og 3-1 nga bintaha ang Brgy. Ginebra Gin Kings sa ilang pagpakigbatok og balik sa Meralco Bolts karong alas 7:00 sa gabii alang sa Game 4 sa Philippine Basketball Association (PBA) Governor’s Cup finals series sa Smart Araneta Coliseum.
Ang Gin Kings ningpadayag sa ilang determinasyon nga iduot og samot ang Bolts sa ubos ug dili sila molugak bisan gamay bisan sa kamatuoran nga natangtangan og lig-ong haligi ang karibal.
Ang pambatong sentro sa Bolts nga si Raymund Almazan dili na makaduwa og balik sa best-of-seven series human kini naangol sa sayong bahin sa Game 3 niadtong Dominggo diin mingdaog ang Gin Kings, 92-84, nga naghatag kanila og 2-1 nga bintaha.
Gilauman nga paatakihon og maayo ni Ginebra coach Tim Cone ang iyang mga tagas ug dagko nga mga magduduwa aron mapahimuslan og insakto ang haw-ang nga nabiyaan ni Almazan sa ilawom nga bahin.
Labing seguro, si Meralco coach Norman Black aduna nay gihimong adjustments aron matapakan ang hawang nga nabiyaan ni Almazan apan ang pangutana, hangtod asa kutob ang ilang makaya.
Sa pagkaangol ni Almazan sa Game 3, nagkanayon si Cone nga iyang gimanduan
ang iyang dagko ug tag-as nga mga magduduwa nga atakihon og maayo ang ilawom ug tuod man, mao kini ang hinungdan nga nadominar nila
ang duwa sa 3rd quarter. “We talked about it at halftime (Sunday). I said this is the time for Japeth (Aguilar) and Greg (Slaughter) that can really make a lot of forays in the paint, get some seals with Raymond out. Big difference. One-point game at halftime, and then, he went out really in the third and we ended up beating them and got up by 20 points,” asoy pa ni Cone human sa Game 3.
Nagkanayon si Meralco import Allen Durham nga kinahanglang magtambayayong silang tanan sa pagpadaplin ni Almazan.
“It’s a big blow. Raymond has been playing great this series rebounding, defense, putback scoring. So, it’s definitely a big loss. We’ll see if he can come back but if not, everybody else got to step up. Next man up,” asoy ni Durham.
Gilaumang mopas-an og dakong bahin sa obligasyon ni Almazan mao si Bryan Faundo ug ang talagsa rang magamit mha so Reynel Hugnatan, kinsa beterano na sa daghang mga kombati.
“Our biggest concern is the fact that when Raymond was not around. You saw what happened with Japeth, he pretty much ran wild out there on the court,” pasabot ni Black.