Masulbad na ang problema sa tubig?

Niining pagtudlo karon og bag-ong board of directors sa Metropolitan Cebu Water District (MCWD), masulbad na kaha ang problema sa supply sa tubig sa franchise areas sa water district?

Akong gipalutaw kining maong pangutana gumikan kay gitangtang ni Mayor Edgardo Labella ang kanhi mga board of directors human migrabe ang problema sa supply sa tubig sa MCWD. Mirebenta ang nga opisyal sa

local government units nga giserbisyohan sa water district kay walay klarong serbisyo.

Ang gipangtudlo mao sila si kanhi konsehal Joey Daluz III, kanhi mayor Alvin Garcia, magsisibya ug kolumnista Atty. Frank Malilong, Atty. Manolette Dinsay ug negosyanteng si Mike Pato. Gawas kang Pato, ang upat pulos mga abogado. Ang maong mga personalidad adunay personal nga koneksiyon ni Mayor Labella nga maoy appointing authority. Si Daluz ug Garcia iyang mga kaalyado sa pulitika. Si Atty. Malilong iyang kauban sa Walk and Talk Friendship Club samtang si Atty. Dinsay anaa sa kampo ni Gov. Gwen Garcia. Si Pato mao ang right hand ni Presidential Assistant for the Visayas Michael Dino.

Unsa man kaha ang mahimo sa mga abogado ug negosyante diha sa MCWD board? Aduna ba silay igong abilidad nga mosulbad sa mga problema sa water district labi na gyud ang nagnihit mga

supply sa tubig? Hinuon, ang ilang trabaho mao ra man ang policy making body.

Sila maoy modesisyon ug mo-monitor sa implementasyon sa ilang ipatuman aron molambo ang serbisyo sa water district.

Karon pa lang, daghan na ang sugyot alang sa paglambo sa serbisyo sa MCWD. Usa niini mao ang pag-pakig-alayon sa mga magnegusyo og

desalination. O kanang tubig sa dagat nga i-agi og proseso aron motab-ang. Daghan na ang supplier niini dinhi sa ato. Sa una, mahal kaayo kining maong proseso apan karon dili na kaayo gumikan sa paglambo sa teknolohiya.

Pero mas maayo usab nga estudyuhan sa bag-ong board ang posibleng pagpa-pribado sa MCWD. (bobbygnalzaro@gmail.com)