PAG-ASWAT SA RIZAL AKONG MISYON: ELOY
Miamag og balik ang niaksyon unta og kangitngit nga basketball career sa kanhi magduduwa sa Philippine Basketball Association (PBA) nga si Eloy Poligrates.
Kini human mipirma og kontrata ang produkto sa Southwestern University (SWU) Cobras sa Rizal-Xentro Mall Golden Coolers alang sa 4th season sa Chooks-to-Go Maharlika Pilipinas Basketball League (MPBL).
Ning maong opotunidad, tinguha ni Poligrates ipamatuod ang iyang abilidad human siya wala papirmaha'g balik og kontrata sa Marinerong Pilipino sa PBA D-League.
Gilauman unta nga kuhaon og balik si Poligrates sa Marinerong Pilipino human sa maayo niyang performance sa miaging tuig diin nahimo siyang MVP sa Foundation Cup.
Ning maong komperensiyaha, nahatod ni Poligrates ang Marinerong Pilipino sa finals apan adunay laing plano ang team management.
Nanghinaot si Poligrates nga makapakita gihapon siya og maayong performance sa MPBL.
Si Poligrates nakakulit og rekord sa D-League dihang nakaposte siya og 67 puntos ubos sa kampo sa Marinerong Pilipino.
Matod ni Poligrates ng ang Rizal maoy labing maayong lugar alang ka niya ning panahon sa iyang karera.
Gipasabot ni Poligrates nga buhaton niya ang tanan niyang makaya aron makatabang sa Rizal. "Sa Rizal, sabi ko naman sa kanila, kung pagbibigyan nila ako ng pagkakataon para ipakita kung anong laro ko, 'yun," asoy ni Poligrates nga nakutloan sa abs-cbn. com.
Ang Rizal maoy ikatulong team ni Poligrates sa MPBL human siya nakapakita og aksyon sulod sa 10 ka mga higayon sa kinatibuk-an ubos sa mga kampo sa Cebu City-Casino Ethyl Alcohol ug Val City Carga Backload Solution. Nanghinaot si Poligrates nga makatabang siya sa pagpabangon sa Golden Coolers gikan sa mangil-ad nga kampanya niini sa 2019-20 Lakang Cup diin igo ra silang nakahipos og 7-22 nga rekord. Matod ni Poligrates nga nasayod siya kon unsa ka dako ang iyang responsabilidad sa Rizal ug andam siyang pas-anon kini kutob sa iyang makaya.
"Mas gusto ko 'yung alanganin na team para, kumbaga, kung maaangat ko 'to, sama-sama kami lahat. Hindi naman tayo si Superman na kaya natin buhatin lahat, 'di ba?," pasabot ni Poligrates. "Magtutulungan kami, para 'yung pangalan namin mabango ulit kung maiaangat namin 'tong team na 'to. Pagtutulungan namin. Sinasabi ko lang din sa coaches, tulong-tulong kami."