Pads mitabang sa ilang mga miyembro aron makalahutay sa krisis sa kahimsog

Nanghatag og pinansyal nga hinabang ang Philippine Accessible Disability Services Inc. (Pads) sa ilang mga miyembro aron makasugakod ning krisis nga hatod sa coronavirus disease (Covid-19).

Ang Pads, nga usa ka Cebu-based team nga gilangkuban og disabled athletes, ningtabang sa 60 ka mga atleta nga naglisod ning panahuna.

Sa miaging duha ka mga semana gibuhian sa Pads ang premiro nilang hinabang ngadto sa mga hingtungdan.

Nakatakda na sab nga buhian sa Pads ang ikaduha nilang hinabang sa ilang mga miyembro.

“In times of crisis like this, the person-with-disabilities (PWD) really have a hard time on access to basic services. That's why we are doing our best to at least augment those gap. We want to help their situation in any form we can do as a team,” matod ni Pads executive director John Paul Maunes sa interbyu sa Sun.Star Cebu, igsuong buhatan ning mantalaan.

Matod ni Maunes nga ang ilang matag miyembro nakadawat na og P500 matag usa.

Nagplano ang Pads nga paabton sa ikatulong higayon ang ilang pagpanghatag og hinabang sa ilang mga sakop.

Ang pundo nagagikan sa fund-raising nga gipasiugdahan sa volunteers ug tigsuporta sa Pads.

“We want to send a personal message to our athletes that the Pads is here for them. They are not alone especially in these trying times,” dugang ni Maunes.

Ang mga sakop sa team nagagikan sa Cebu City, Mandaue

City, Lapu-Lapu City, City of Naga ug lungsod sa Argao.

Ang hinabang ipadala pinaagi sa money transfer ug remittance outlets.

“We're giving cash aid so they can choose what they want to buy. But we're planning also to provide them with relief times such as food packs and hygiene kit that can support them up to 1 month,” matod ni Maunes.

“With the planned relief, our members will not go out anymore to buy something. Hopefully our proposal to our partners will be approved.”

Nanghinaot si Maunes nga ang ilang gibuhat makadasig sa uban aron motabang sa isig ka Pinoy. Ang Pads nakahatag og dungog sa Pilipinas dihng naka-gold medal kini sa Para-Dragon World Championship Dragon Boat sa miaging tuig.