Maayong Dominggo sa Pagkabanhaw

AY'G SABA!

Asa man ta mangita aning mga Easter egg? Kon dili man sa internet morag pass sa siguro.

Human sa atong mga paghinulsol sa atong mga sala ug pagmuni-muni ining Semana Santa back to reality na usab ta. Ang pag-atubang ining krisis nga miabot kanato.

Pag-ampo, pagtinabangay ug ang pagpuyo sa balay mao nay atong mga pangontra sa

pandemic karon dili lang sa atong nasud kondili sa tibook kalibutan.

Nahunong ang tanan natong naandan nga gimbuhaton matag adlaw sa atong kinabuhi, morag nagkinahanglan og break ang atong kaugalingon.

Sa nahitabo karon, tanan apektado ma-pobre man o madatu walay gipili. May mga personalidad sa showbiz nga nataptan usab sa maong sakit sama nilang Christopher de Leon ug uban pa.

Daghan usab nga gihimo ang atong mga igsoon sa showbiz para makatabang sa mga nagkinahanglan.

May mga nag-concert sa online sama nilang Ogie Alcasid, Regine Velasquez, Matteo Guidicelli, Sarah Geronimo, Lea Salonga ug uban pa para maka-enganyo ug makapan yo og mga hinabang para sa mga naapektuhan niining Corona virus ug sa padayon nga enhanced community quarantine.

Silang Marian Rivera, Angel Locsin, Anne Curtis, Judy Ann SantosAgoncillo ug uban pa nangita sab og pamaagi para makatabang sa atong mga frontliner.

Kapamilya ug Kapuso naningkamot nga makatabang kutob sa ilang mahimo. Atong saludohan ug pakpakan ang tanan. Malipayon tang magpasalamat sa mga tawo nga naalim ug naayo sa maong sakit. Sama kang Iza Calzado nga dako sad ang pasalamat labi na sa labawng makagagahum.

Mao usab kita, kon mahimo atong i-share ang mga maanindot ug mga positibong panghitabo sa social media ug dili ang mga negatibo. Mapa

showbiz man o ordinaryong tawo kita tanan magkahiusa ug magtinabangay ubanan sa atong pag-ampo nga mabatokan kining maong sakit ug matapos na kining maong pandemic.