45TH SEASON SA PBA KUYAW MAKANSELAR
Wala gisalikway ni Commissioner Willie Marcial ang posibilidad nga makanselar ang tibuok 45th season sa Philippine Basketball Association (PBA) nunot ning padayong hulga sa coronavirus disease (Covid-19).
Gipasabot ni Marcial nga tanang mga opsyon ilaha nang gitun-an.
Apan kon padayon nga makaalarma ang hatod sa Covid-19 sa Pilipinas sa umaabot nga mga buwan, hayan posible nilang kanselahon ang 45th season.
“Lahat ng scenario ibinigay natin kasama na yun (cancelled season),” matod ni Marcial nga
napatik sa www.spin.ph.
Matod ni Marcial nga nagpahigayon og online emergency meeting ang board ning baguhay lang ang sa ilang mga lakang nga pagahimuon taliwala ning pagkuyanap sa Covid -19 nga naghatag og dakong problema sa tibuok kalibutan.
“Hindi kasi natin masabi. If ever i-lift na yung ECQ (Enhanced Community Quarantine) by April 30, baka unti-unti lang muna yan. Puwedeng partial lifting lang or puwedeng selective barangay quarantine muna,” pasabot ni Marcial.
“So i-allow na ba noon ng gobyerno ang mass gathering? E kung wala pang go-signal,
hindi rin makakalaro ang liga.”
Gihimong ehemplo ni Marcial ang gibuhat sa Chinese Basketball Association (CBA).
Ang CBA misuspenso sa ilang mga duwa niadtong Pebrero 1 dihang nagsugod na pagkatap ang Covid-19 sa Hubei Province, kanang capital nga Wuhan maoy giingong epicenter sa coronavirus.
Nakaeskedyul unta karong buwana ibalik ang ilang mga duwa apan nakahukom kining iuswag na sab kini karong Mayo.
“Hindi pa rin nga nila sigurado kung matutuloy na sila ng May considering na tapos na yung lockdown sa Wuhan,” asoy ni Marcial.
“Hindi pa rin nga nila sigurado kung matutuloy na
sila ng May considering na tapos na yung lockdown sa Wuhan.”
Human sa emergency online meeting, ang temporaryong nahukman sa PBA mao ang pag-us-os sa season ngadto na lang sa duha ka mga komperensya imbes nga tulo.
Seryuso sab nga gikonsiderar sa PBA nga pahakon ngadto na lang sa usa ka komperensya ang season.
“Kaya mahirap, wala itong katiyakan lahat,” dugang ni
Marcial.
“Ang problema paano kung abutin ito ng September? Six months pahinga ang mga teams nun, kaya kailangan magpakundisyon pa ulit ang mga yan. So ano pa matitira sa season natin?”
Magpahigayon og laing
board meeting ang PBA karong Abril 30 aron tunan ang mga senaryo.