UFC BATOK ONE CHAMPIONSHIP?

Nganong di man?, matod pa ni ONE Championship CEO Chatri Sityodtong.

Nagkanayon si Sityodtong nga dako ang iyang interest nga magsangka ang labing maayong fighters sa duha ka mga grupo.

“I would definitely love to see the best of the East versus the best of the West. UFC versus ONE Championship,” asoy ni Sityodtong nga napatik sa www.abs-cbnnews.com.

“I think, it would be phenomenal, I think the whole entire world would watch it, and I’d love to see world champions versus world champions, so definitely, for sure, I’m open to it.”

Kon aduna man gani negusasyon kabahin niini, labing seguro maparang sila si ONE middleweight champion Aung La N Sang batok UFC middleweight king Israel Adesanya.

Naghisgot sab si Sityodtong og away sa babaye nga fighters. “For women’s mixed martial arts, I would love to see Xiong Jing Nan vs. Zhang Wei Li,” matod ni Sitdyodtong.

Niadto pa lang 2017, si Sityodtong nipadayag na sa iyang intensyon kabahin sa cross-promotion ngadto kang UFC president Dana White.

Gipasabot ni Sityodtong nga naghuwat na lang siya og tawag gikan kang White aron sugdan ang negusasyon kabahin niini.

Nasayod nang daan ang World Boxing News nga human mipirma si American Floyd Mayweather Jr. og kontrata alang sa usa ka virtual boxing deal, hayan mosunod ra sab dayon si Filipino boxing icon Manny Pacquiao.

Si Mayweather mipirma sa madanihong kontrata sa fuboTV, FaceBank, ug ONE Entertainment aron sundogon ang iyang kaugalingon alang sa computerized match-ups.

Human sa pinirmahay, si Mayweather miingon: “My team has always been the past, present, and future of sports and entertainment. Now, together with FaceBank, fuboTV and ONE Entertainment, I am continuing that trend.”

Nagtuo ang WBN nga mosunod niini si Pacquiao hilabi na kay kanunay pa hisgutan ang posibleng panag-away og balik sa duha ka banggiitang mga boksidor.

HULAGWAY KUHA SA ONEFC.COM UG UFC.COM / ■ TIGI KA MGA KAMPIYON. Kon kahatagan og kahigayonan, ang panagtigi nila ni Aung La N Sang sa ONE Championship ug UFC middleweight king Israel Adesanya sa UFC maoy una unyang panagsangka tali sa kampiyon sa duha ka mga managlahing mixed martial arts bodies.