COLOR CODING SA SAKYANAN DI TINUOD

Ang Cebu City Government wa moluwat og kamandoan alang sa color coding scheme sa mga sakyanan samtang gipatuman ang enhanced community quarantine (ECQ).

Si Cebu City Councilor Raymond Alvin Garcia, sa iyang Facebook post nga gipetsahan og Abril 18, 2020, niingon nga ang mga dokumento nga naglibot sa online usa ka “fake news.”

“Please be aware that this is fake news and the Cebu City Government, through the mayor, has not issued any executive order to that effect,” tataw ni Garcia. Sa Abril 17, usa ka dokumento nga susama og executive order gipasa-pasa sa social media.

Ang upat ka pahina nga dokumento way EO number ug wa usab pirmahi Cebu City Mayor Edgardo Labella.

Sa “fake” nga dokumento naa nabutang ang mga schedule sa mga sakyanan kon kanus-a sila gitugotang makagawas.

Bisan si Labella nanghimakak nga duna na siyay giluwatang executive order sa color coding.

“For the record, I did not issue such executive order and there is no existing policy which imposes a scheme to regulate the vehicles in Cebu City. That executive order is just a mere scrap of paper—it was unnumbered, undated and unsigned,” matod ni Labella.

Iyang giklaro nga ila pang gitan-aw ang sitwasyon sa trapiko samtang iyang gimandoan si Cebu City police officer-in-charge Colonel Josefino Ligan sa pag-estrikto sa border ug control checkpoints.

Giklaro ni Labella nga ang tanang mga impormasyon iyang ipagawas pinaagi sa iyang Edgar Labella official Facebook page o sa Cebu City Public Information Office page.