2 ka terminal himuong bagsakan centers
masiguro nga di magpunsisok ang mga mopalit o mangompra og supply sama sa utanon ug isda, may duha ka bagsakan centers nga buksan sa Lalawigan sa Sugbo.
Kini maoy gipahibawo ni Gobernador Gwendolyn Garcia sa regular press conference niini sa kapitolyo sa Abril 18, 2020.
Matod ni Garcia nga usa kini ka paagi nga makapatuman gihapon sa social distancing ang mga mamalit.
Paagi usab kini nga maprotehian ang mga Sugboanon nga makakuha og kagaw ug mahimo na unya nga carrier sa Covid kon mopauli sa probinsya sa Sugbo.
"Alang ni pagpuno og safety measures aron ang katong naghatod dili ma expose sa possible infection ug inig uli nila nga mahimo sila nga asymptomatic inig uli sa probinsya", matod ni Garcia.
"Kay lagi adto man ni itumod sa Carbon market ug sa Pasil ,didto sa duha ka lugar usahay dili gyud mapatuman ang strict social distancing tua. Didto tanan magpundok, mag huk-anay didto," matod ni Garcia.
Ang maong bagsakan centers ipahimutang sa Cebu South Bus Terminal (CSBT) ug Cebu North Bus Terminal (CNBT).
Alang sa mga delivery sa utanon ug isda nga gikan sa habagatan nga bahin sa Sugbo, anha na lang kutob sa CSBT.
Samtang ang gikan usab sa amihanan nga bahin sa Sugbo anha na i-hatod sa CNBT.
Pasabot nga dili na kinahanglan pa nga molahos ang mga driver ug truck boy sa Carbon Public Market ug sa Pasil Fish Market.
Niining paagi, mas menos ang pakighugoyhugoy sa mga tawo nga possible usab nga nataptan o may simtomas sa Covid.
May oras usab o skedyul nga ipatuman, sa adlaw ug oras nga mahimong makuha ang
supplies o mapalit ang supplies sa mga center.
"Ato na ipatuman nga at a certain time. Dili ni maghimo og Carbon or Pasil. Binulto ni, wholesale. Ato ihangyo sa Cebu City nga ang mga pumapalit mapasabot nga adto na nila pick upon", matod ni Garcia.
Gilaraw nga sa sunod semana mahimong operational na ang maong centers.