SPLASH BROTHERS I-TRADE DIAY UNTA
Adunay higayon niadtong 2011 nga i-trade diay unta sa Golden State Warriors ang Splash Brothers sa National Basketball Association (NBA) nga sila si Stephen Curry ug Klay Thompson.
Basi sa bag-ong libro nga "The Victory Machine" ni Ethan Strauss, si Curry maoy kanunay naa sa trading block sa wala pa nahulma ni coach Steve Kerr ang championship nga kalibre sa Warriors.
Matod ni Strauss nga gisuwayan unta sa Warriors nga i-trade sila si Curry ug Thompson alang kang Chris Paul niadtong 2011.
Niadtong higayuna, si Paul nagduwa sa New Orleans Hornet nga nahimo nang Pelicans sa kasamtangan.
Ang Warriors maoy mitanyag niini ug andam sab unta kining dawaton ni Hornets GM Dell Demps.
"The Warriors attempted to trade Steph Curry and Klay Thompson for Chris Paul in 2011. It was far from the only time Curry was shopped, but in this instance, the deal was very close to completion," asoy ni Strauss.
Dayag si Paul sa iyang intensyon
nga mobiya sa Hornets apan tinguha niini nga mabalhin sa lig-on nga puwersa.
Niadtong panahuna, ang puwersa sa Warriors wala pa'y ikabuga hinungdan nga nagduhaduha si Paul nga motapon kanila.
Nisugot man tuod si Paul nga mabalhin sa Warriors apan mubo ra nga kontrata ang pirmahan niini.
"Paul told the Warriors they could do this trade, but he wouldn't be staying when his contract was up at season's end," dugang ni Strauss. Kini maoy hinungdan nga wala nadayon ang negusasyon.
"'There were many, many people they tried to get and failed," pagtino ni Strauss. Si Paul nabalhin sa Los Angeles Clippers niadtong 2012 dungan sa pagkahimong Pelicans sa Hornets. Pagkahuman niini, sunod sunod nga mipirma og contract extension sila si Curry
ug Thompson.
Unya sa paghiabot ni Kerr, nahulma niya ang Warriors nga usa ka championship caliber nga puwersa sa pagpangulo sa Splash Brothers.
Ang kanhi kumong-komung nga puwersa milig-on ubos sa sestima ni Kerr.
Ang giporma nga puwersa ni Kerr nakalangkat og lima ka mga titulo ug ning mga panahuna, kaduha nahimong MVP si Curry.
Sila si Curry ug Thompson nahimo nang usa sa labing lig-ong backcourt tandem sa kasaysayan sa NBA.